Elbasy Qashaǵannyń resmı ashylýyna qatysty

2016 jyldyń 7 jeltoqsanynda Atyraý qalasynda Elbasynyń qatysýymen álemdegi eń iri ken oryndarynyń biri jáne Qazaqstandaǵy birinshi teńiz ken orny bolyp tabylatyn Qashaǵan resmı tanystyryldy, dep habarlaıdy Energetıka mınıstrligi. 2016 jyldyń 1 qarashasynda Qashaǵanda óndirý táýligine 75 myńnan astam barrel munaı kommersııalyq deńgeıge jetti. Qazirgi ýaqytta óndirýdiń deńgeıin arttyrý jáne ony táýligine 180 myń barrel deńgeıinde turaqtandyrý maqsatynda jumystar júrgizilýde. Aǵymdaǵy jyldyń sońyna deıin 1 mln.tonna munaı jáne 680 mln.m3 gazǵa jýyq, 2017 jyly – 8,9 mln. tonna munaı jáne 5,6 mlrd. m3 gaz óndirý josparlanýda. Kelesi jyldary jylyna 13 mln.tonna munaı jáne 9 mlrd. m3 gazǵa deıin óndirýdi arttyrý josparlanýda. Qashaǵandy ıgerýdiń nátıjesinde álemdik standarttarǵa saı keletin otandyq teńiz servıstik ınfraqurylymy salyndy: - «Ersaı» (Quryq p.) jáne «Kaspıan Offshor Marın Konstrakshn» (Aqtaý teńiz porty) aýyr tonnaly metall qurastyrylymyn shyǵarý boıynsha zaýyttar salyndy; Baýtın portynda keme jóndeıtin zaýyty salyndy; - teńiz operasııalaryn qoldaý bazasy (Baýtın porty), munaı tógilýine den qoıý bazasy jáne ózge de obektiler quryldy. Shlıýmberje, Sımens, Enerdjı Výd Grýpp, Saıpem sekildi halyqaralyq kompanııalar óz bilimderi, tehnologııalary jáne tájirıbelerimen kirgen 70-ge jýyq birlesken kompanııalar/ áriptestikter quryldy. Qazirgi kezde Qashaǵan jobasynda Qazaqstan ıeligindegi úlesi 50%-dan astam 274 kompanııa jumys jasaıdy. 180 asa qazaqstandyq kompanııa oqýdan ótip, halyqaralyq standarttar boıynsha sertıfıkattaldy. Áleýmettik jaýapkershilik aıasynda Konsorsıým Mańǵystaý jáne Atyraý oblystarynyń áleýmettik jáne ınfraqurylymdyq damýyna 500 mln. AQSh dollarynan astam qarajat bóldi. Osy jyldar ishinde tómendegiler salyndy: - 49 bilim mekemesi (mektepter, balabaqshalar); - 30 medısınalyq mekeme (aýrýhanalar, emhanalar, aýyldyq dárigerlik pýnktiler); - 68 ınfraqurylym obektisi (qalalar men aýyldardy gazdandyrý, joldar salý); - 8 mádenı obekti (klýbtar, mádenıet úıleri); - 12 sport obektisi (stadıondar, dene shynyqtyrý-saýyqtyrý keshenderi).