Tabıǵatty qorǵaý mekemeleri janynan úılestirý keńesi qurylady

QR Parlament Májilisiniń plenarlyq otyrysynda depýtattardy QR Premer-Mınıstriniń orynbasary – Aýyl sharýashylyǵy mınıstri A.I. Myrzahmetovtyń erekshe qorǵalatyn tabıǵı aýmaqtardy basqarýǵa jurtshylyqty tartý maqsatynda tabıǵat qorǵaý mekemeleri janynan Úılestirý keńesin qurý týraly usynysy qyzyqtyrdy, dep habarlaıdy Aýyl sharýashylyq mınıstrligi. «Úılestirý keńesi – erekshe qorǵalatyn tabıǵı aýmaqtar qyzmetiniń ashyqtyǵyn qamtamasyz etý úshin qurylmaq. Onyń quramyna ÚEU men jergilikti atqarýshy organdardyń, ardagerler keńesi men bıznes qurylymdarynyń jáne tabıǵat salasyndaǵy mekemeler ókilderi kiredi, – dep atap ótti A.Myrzahmetov. Atalǵan Keńes ókiletti organ bekitken tıptik ereje negizinde qurylady. Iаǵnı, Úılestirý keńesi – konsýltatıvtik-keńestik jáne baqylaý organy bolmaq. Onyń usynymdary tabıǵat qorǵaý mekemeleriniń áralýan sharalardy josparlaýy barysynda eskeriletin bolady. Aıta keteıik, QR Parlament Májilisiniń plenarlyq otyrysynda «Qazaqstan Respýblıkasynyń keıbir zańnamalyq aktilerine ósimdikter jáne janýarlar dúnıesi máseleleri boıynsha ózgerister men tolyqtyrýlar engizý týraly» Zań jobasy qaraldy.