Nııazymbetov pen Levıt altynǵa para-par syıaqy alady

Ulttyq olımpıada komıteti (UOK) Rıo Olımpıadasynyń kúmis júldegerleri Vasılıı Levıt pen Ádilbek Nııazymbetovke «altynǵa» para-par syıaqyny tabystamaq, dep habarlady QazAqparat Qazaqstan boks federasııasynyń baspasóz qyzmetine silteme jasap. «Vasılıı Levıt pen Ádilbek Nııazymbetovke «altynǵa» beriletin olımpıadalyq syıaqyny tabystaý rásimi Astanada 8 jeltoqsanda ótedi. Bizdiń sportshylar asqan sheberlik, moıymas qaırat pen barsha álemge naǵyz olımpıadalyq rýh tanyta bildi», - delingen QBF habarlamasynda. Rıo-de-Janeıro Olımpıadasynda Vasılıı Levıt pen Ádilbek Nııazymbetov kúmis medaldar oljalaǵan. Alaıda, 2016 jyly 26 tamyzda Qazaqstan Prezıdenti Vasılıı Levıt pen Ádilbek Nııazymbetovtiń eńbegin joǵary baǵalap, olarǵa altyn medal úshin beriletin syıaqyny berý týraly sheshim jasady. Esterińizge sala keteıik, 91 keli salmaq dárejesi boıynsha bokstan olımpıadalyq týrnırdiń aqtyq aıqasynda tóreshiler jeńisti reseılik Evgenıı Tıshenkoǵa bergen bolatyn.  Tóreshilerdiń bul sheshimine tek qazaqstandyq jankúıerler ǵana emes, álemniń boks súıer jankúıerleriniń basym bóligi, sonyń ishinde Reseıdiń biraz jankúıerleri narazylyq tanytqan bolatyn.