Donald Tramp ózine tıisti barlyq aksııasyn satyp jiberdi

The Washington Post basylymynyń habarlaýynsha, bar baılyǵy 4,5 mlrd dollarǵa baǵalanǵan mıllıarder jáne 2017 jyldan bastap Aq úı taǵyna otyratyn prezıdent Donald Tramp bıyl shilde aıynda respýblıkalyq partııa atynan saılaýǵa túsip jatqanda túrli kompanııalardaǵy ózine tıesili aksııalaryn satyp jibergen eken. Sonyń ishinde bankter men munaı kompanııalaryndaǵy úlesi de bar. Jańadan saılanǵan prezıdenttiń baspasóz hatshysy Djeıson Mıller Tramp óz aksııalaryn kimderge jáne qanshaǵa satyp jibergeni týraly aıtýǵa asyqpaıdy. AQSh zańy boıynsha, mıllıarder bul saýda týraly 2018 jyldyń mamyr aıyna deıin eshkimge tis jarmaýǵa da quqyly. Basylymnyń málimetinshe, Tramptyń prezıdenttiń qyzmetine bıznestiń kedergi keltirmeýi úshin ádeıi barlyq aksııalary satylǵan eken. Aıta keteıik, búgin ǵana Tramptyń Boeing kompanııasynan 4 mlrd dollarǵa qyzmettik ushaq satyp alýdan bas tartqany habarlanǵan edi. Al ótken shildege deıin Tramptyń osy kompanııada 50-100 myń dollarlyq úlesi bolǵan eken. Tramp saılaýaldy naýqanǵa bıýdjetten ózine tıesili qarajattan bólek taǵy 66 mln dollardy óz qaltasynan shyǵarǵan eken.