«Astana» Halyqaralyq qarjy Ortalyǵynyń delegasııasy is-saparmen Birikken Arab Ámirlikterine, Katar memleketine jáne Bahreın Koroldigine bardy.
4-6 jeltoqsan aralyǵynda AHQO delegasııasy halyqaralyq qarjy ortalyqtarynyń ozyq tájirıbelerin zerdeleý jáne olarmen yntymaqtastyqty nyǵaıtý maqsatynda Birikken Arab Ámirlikterine, Katar memleketine jáne Bahreın Koroldigine sapar jasady. BAÁ-ge sapar barysynda Dýbaı qalasyndaǵy QR Elshiligi men Bas konsýldyǵynyń járdemdesýimen «Dýbaı» halyqaralyq qarjy ortalyǵynyń (DIFC) Basqarýshysy Issa Kazımmen, Dýbaı qalasynyń Ekonomıkalyq damý departamentiniń Bas dırektory Samı al-Kamzımen, Dýbaı qalasynyń Týrızm jáne kommersııalyq marketıng departamentiniń Bas dırektory Hılıal Saıd al-Marrımen, Islam ekonomıkasyn damytýdyń Dýbaı ortalyǵynyń Bas atqarýshy dırektory Abdýlla Mohammad al-Aýaarmen jáne «Smart Dubai Office» Bas dırektory doktor Aısha bın Bıshrmen kezdesýler jáne kelissózder ótkizildi.
Budan basqa, delegasııa AHQO qatysýshylaryna eńbek vızalaryn rásimdeý barysynda «bir tereze» qaǵıdaty boıynsha jumysty uıymdastyrý jónindegi máselelerdi zerdeleý úshin DIFC-diń Biryńǵaı vıza ortalyǵynda boldy.
Doha qalasyna sapar barysynda Katar memleketindegi jetekshi qarjy ınstıtýttarymen QR Elshiligi uıymdastyrǵan kelissózder ótti. Ortalyq banktiń Tóraǵasy sheıh Abdalla ben Saýdom Al Tanı, Katar qarjy ortalyǵynyń Bas dırektory Maıkl Raıan, Qarjy naryǵyn retteýshiniń Bas atqarýshy dırektory Nasser Ahmad Al-Shaıbı, «Masraf al Rayan Group» bankter tobynyń Bas atqarýshy dırektory Adel Mýstaýfýı jáne basqalarmen kezdesýler sheńberinde AHQO delegasııasy katarlyq tarapty QR Prezıdenti N.Á. Nazarbaevtyń bastamasymen qurylǵan qarjy ortalyǵynyń qalyptasý barysymen tanystyrdy.
Katardyń qarjy jáne bank uıymdary óz kezeginde kapıtal naryǵy, ıslamdyq qarjy, aktıvter men dáýletti tulǵalardyń ál-aýqatyn basqarý salasynda AHQO qyzmetine qatysýǵa qyzyǵýshylyq tanytty.
AHQO delegasııasy sondaı-aq Katardyń Qor bırjasynda bolyp, Bas atqarýshy dırektor Rashıd ben Alı Al Mansýrımen kezdesti. «World Innovation Summit for Education» Basqarmasynyń Tóraǵasy Stavros Iаnnoýkpen jáne «Qatar Investment Authority» Katar ınvestısııalyq qorynyń Bıznesti damytý dırektory sheıh Abdýlazız ben Alı Al Tanımen mazmundy kelissózder ótti.
Bahreın memleketinde AHQO delegasııasy 20 jyldan beri ıslamdyq bankıng pen qarjy salasy kóshbasshylarynyń kezdesýlerine arnalǵan iri alań bolyp sanalatyn Dúnıejúzilik Islamdyq Bank konferensııasynyń (WIBC 2016) jumysyna qatysty.
Atalǵan is-sharanyń aıasynda Bahreın Ortalyq bankiniń Tóraǵasy Rashıd Al-Maradjben, Islamdyq qarjy mekemeleriniń býhgalterlik esep pen aýdıt jónindegi uıymy (AAOIFI) Bas hatshysynyń orynbasary Omar Mýstafa Ansarımen, Halyqaralyq ıslamdyq qarjy naryǵynyń(IIFM) Bas atqarýshy dırektory Idjlal Alvımen, Bahreınniń Bank isi men qarjy ınstıtýtynyń (BIBF) dırektory Ahmed Al-Shaıhpen kezdesýler ótkizildi. Qol jetkizilgen ýaǵdalasýshylyqtardyń qorytyndysy boıynsha BIBF-pen О́zara túsinistik jáne yntymaqtastyq týraly memorandýmǵa qol qoıyldy.
Qol qoıylǵan Memorandýmnyń negizinde adam kapıtalyn damytý salasy jáne ozyq tájirıbe men bilimmen almasý boıynsha yntymaqtastyq jasaý múmkin bolady.
