Elordada «Nazarbaev modeli» kitabynyń tusaýy kesildi

Astanada QR Tuńǵysh Prezıdenti – Elbasy kitaphanasynyń taldaý ortalyǵy «Nazarbaev modeli» kitabynyń tusaýkeserin ótkizdi. Jańa kózqaraspen, úlgimen erekshelenetin kitapta Qazaqstannyń shırek ǵasyrdaǵy memlekettik qurylysyna basqarýshylyq taldaý júrgizilgen, dep habarlady Baq.kz. Kitaptyń avtorlary – Mahmut Qasymbekov, Baqytjan Temirbolat jáne Tımýr Shaımergenov. «Nursultan Nazarbaevtyń qyzmetine arnalǵan jańa basylymdy usynyp otyrǵanymyzǵa óte qýanyshtymyz. Búgingi bizdiń tusaýkeserimiz elimiz úshin mańyzdy qos mereke – Tuńǵysh Prezıdent kúni men Táýelsizdik kúni aralyǵynda ótip otyr. Munyń tereń sımvoldyq máni bar. Sebebi, Táýelsiz Qazaqstannyń búkil tarıhy onyń kóshbasshysynyń esimimen tikeleı baılanysty», – Baqytjan Temirbolat. «Nazarbaev modeli» kitaby QR Prezıdenti Keńsesi men Elbasy kitaphanasynyń birlesken jobasy. Eńbek avtorlary kúrdeli ishki jáne syrtqy jaǵdaıda damýdyń dańǵyl jolyna túsken jas memleketti basqarýdyń nátıjeli júıesin «Nazarbaev modeli» dep ataıdy. Bul memlekettik qurylystyń mańyzdy kezeńderinde, Elbasynyń strategııalyq reformalarynda, mańyzdy sheshimderi men bastamalarynda keshendi túrde kórinis taýyp otyr. Avtorlardyń aıtýynsha, jańa basylym ekonomıkasy qarqyndy túrde damýǵa bet alǵan memleketterdegi túbegeıli ózgerister men jańǵyrýlar tájirıbesine qyzyǵýshylyq tanytatyndar úshin paıdaly bolmaq.