544 úmitker "Bolashaq" stıpendııasyn aldy

«Bolashaq» Prezıdenttik stıpendııasy –  elimizdiń  álemdik  bilim berý júıesine jedel ári sátti ıntegrasııalanýyn qamtamasyz etýge múmkindik bergen Qazaqstannyń ulttyq jobasy. Búgin Memlekettik hatshy Gúlshara Ábdiqalyqovanyń tóraıymdylyq etýimen Shet elde kadrlar daıarlaý jónindegi respýblıkalyq komıssııanyń kezekti otyrysy ótti. Jıynda sóz alǵan Memlekettik hatshy : "Táýelsizdiktiń 25 jyldyq mereıtoıyn atap ótýge sanaýly kúnder qaldy. Aıtýly mereke sheńberinde Memleket basshysynyń Jarlyǵymen «25 juldyzdy kún» belgilendi. Osyǵan sáıkes, 7 jeltoqsan elimizdiń jarqyn bolashaǵy men jastardyń kemel keleshegine arnalǵan. Sondyqtan, otyrysymyzdyń osy kúnniń aıasynda ótkizilýiniń ózindik máni bar. О́ıtkeni, «Bolashaq» baǵdarlamasy el damýyna eleýli úles qosyp keledi.  Táýelsizdik jyldarynda «Bolashaq» baǵdarlamasy eliimizdiń joǵary sanatty mamandaryn daıarlaıtyn álemdik júıege kirdi. Osy kezeńdegi tarıhı tabystarymyzǵa sholý jasasaq, osydan 23 jyl buryn Elbasy Nursultan Nazarbaevtyń tikeleı bastamasymen júzege asyrylǵan «Bolashaq» baǵdarlamasy boıynsha búginge deıin 9 myń 339 qazaqstandyq azamat sheteldiń jetekshi joǵary oqý oryndarynda óz bilimderin arttyrdy. Bıylǵy jyly Shet elde kadrlar daıarlaý jónindegi respýblıkalyq komıssııa birneshe ózgerister engizdi. Bul «Bolashaq» baǵdarlamasyn ári qaraı tıimdi júrgizýge múmkindik beredi",– dedi Gúlshara Naýshaqyzy. Sonymen qatar, Memlekettik hatshy  «Bolashaq» baǵdarlamasynyń básekege qabiletti túlekteri Qazaqstannyń odan ári damýy men gúldenýine aıryqsha úles qosatynyna jáne «Qazaqstan-2050» Strategııasynyń basty maqsaty – elimizdiń álemniń eń damyǵan 30 memlekettiń qataryna enýine qol jetkizýge belsene atsalysatynyna senim bildirdi. Komıssııa otyrysy sheńberinde Bilim jáne ǵylym mınıstri Erlan Saǵadıevtiń Shet elde kadrlar daıarlaý jónindegi respýblıkalyq komıssııanyń hattamalyq tapsyrmasynyń oryndalýy týraly esebi tyńdalyp, «Bolashaq» baǵdarlamasyn iske asyrýǵa qatysty birqatar máseleler qaraldy. Jıyn barysynda Komıssııa sheshimimen ortalyq jáne jergilikti memlekettik organdardyń ótinimderi boıynsha ázirlengen 2017 jylǵa Basym mamandyqtar tizbesi bekitilip, kelesi jylǵa arnalǵan stıpenııalardyń shekti sany anyqtaldy. Sonymen, bul kúni komıssııanyń sheshimimen  aldaǵy ýaqytta magıstratýrada jáne doktorantýrada oqıtyn, sondaı-aq, álemniń jetekshi ǵylymı jáne óndiristik ortalyqtarynda taǵylymdamadan ótýge jiberiletin 544 úmitker stıpendııa ıegeri atandy. Al 23 jylda 9 myń 339 azamat «Bolashaq» baǵdarlamasy boıynsha bilim aldy. Otyrys qorytyndysy boıynsha Gúlshara Ábdiqalyqova «Bolashaq» halyqaralyq stıpendııasyn odan ári iske asyrý boıynsha birqatar tapsyrmalar berdi. Láıla EDILQYZY, «Egemen Qazaqstan».