Astana men úsh oblysta daýyl turady

Astanada, Batys Qazaqstan oblysynda, Aqmola jáne Atyraý oblystarynda daýylǵa baılanysty eskertý jarııalandy, - dep habarlaıdy Astana qalalyq Tótenshe jaǵdaılar departamenti. "Astanada 8 jeltoqsanda kúndiz, 9 jeltoqsanda táýlik boıy ońtústik-batys jeliniń sekýndyna 15-20 metrge jetýi kútiledi. Keı ýaqytta burqasyn kútiledi. Aqmola oblysynda 8-9 jeltoqsanda ońtústik-batys jeliniń sekýndyna 15-20 metrge, keıbir jerlerde 25 metrge deıin jetýi múmkin. 8 jeltoqsanda túngi ýaqytta Batys Qazaqstan oblysynda aýa temperatýrasy kúrt tómendep, 20-25 gradýsqa deıin aıaz kútiledi. Al Atyraý oblysynda 12-20 gradýsqa deıin aıaz bolýy múmkin", - delingen Astana qalalyq TJD saıtynda. Eske sala keteıik, 7 jeltoqsanda saǵat 10.30-dan beri aýa raıynyń qolaısyzdyǵyna baılanysty barlyq kólik túrine "Astana-Kókshetaý" tasjolyndaǵy qozǵalys jabylǵan bolatyn. Sondaı-aq, búgin sınoptıkter aldaǵy kúnderi qar jaýyp, tuman túsedi jáne kóktaıǵaq bolatynyn habarlaǵan bolatyn.