Erlikke taǵzym

Sharaǵa Qaraǵandy ob­lys­tyq Ishki ister departamenti bas­ty­ǵy­nyń orynbasary, polısııa polkov­nıgi Ardaq Yntyqbaev, Buqar jyraý aý­danynyń ákimi Nur­ken Kób­janov, sondaı-aq, qyzmet ba­­byn­da qaza bolǵan qyz­met­­­ker­­lerdiń týǵan-týys­tary, ish­ki ister organynyń ar­da­ger­leri jáne aýdandyq ishki ister basqarmasynyń jeke quramy men aýdan tur­ǵyn­dary qatysty.
«Búgin qoǵamdyq qaýip­sizdikti qadaǵalap, biz beı­bit zamanda qarýlanǵan qyl­mys­kerlerdiń qolynan qaza bolǵan árip­tes­terimizdi eske alyp, olardyń erligin keleshek urpaqqa nasıhattaý maq­satynda aýdandyq ishki ister basqarmasynyń aýlasynda áriptesterimizge degen qurmet retinde memorıaldyq taqta tasyn ashýǵa jınalyp otyrmyz. О́kinishke qaraı, jyl ótken saıyn artyna óshpes iz qaldyryp, el tynyshtyǵyn saqtaý jolynda qaza bolǵan qyz­met­kerlerdiń esimi kó­beıip keledi. Sondyqtan da an­tyna adal berilip, aqtyq de­mi qalǵansha qyzmet atqar­ǵan tártip saqshylaryn biz esh­qashan umytpaımyz, keri­sin­she osyndaı ıgilikti is-sha­ra­lar jasap, olardyń esi­min qa­shanda ulyqtap otyra­myz», dedi memorıaldyq taq­ta ta­syn ashý saltanatyn­da ob­­lystyq ishki ister de­par­­tamenti bastyǵynyń oryn­basary Ardaq Yntyq­baev.
Polısııa polkovnıgi Ar­daq Qabykenulynyń sózinen ke­ıin bir mınýt únsizdik jarııa­lanyp, aspanǵa úsh márte oq atyldy.
Osydan keıin 2001 jyl­dyń 8 mamyrynda buzaqy top­tyń zańǵa qaıshy áreketin toqtatý barysynda qaza bolǵan Buqar jyraý aý­dan­dyq Ishki ister basqar­masy Telman polısııa bólimi, Qýshoqy aýylynyń ýchas­kelik polısııa ınspektory bolǵan Qaırat Hamýtovtyń jary Gúlnar Hamýtova sóz sóı­lep, asyl erin umytpaı memo­rıaldyq taqta tasyn ashyp, kúlli aýdan turǵyn­daryn ulyqtap jatqan departament, aýdan ákimdigi men aýdandyq ishki ister basqarmasynyń bas­shylyǵyna alǵysyn bildirdi.
Memorıaldyq taqta ta­synyń ashylý saltanatynan keıin aý­dan­dyq ákimdiktiń májilis zalyn­da aýdan ákim­­digi, Ishki ister orga­ny qyz­metkerleriniń qaty­sýymen «Jastardy patrıot­tyq tur­ǵyda tárbıeleý» taqy­ry­bynda dóńgelek ústel ótti.
Buqar jyraý aýdanyndaǵy ıgilikti is-sharanyń sońy aýdan ortalyǵyndaǵy má­de­nıet úıin­de oblystyq Ish­ki ister depar­tamentiniń kór­­kem ónerpazdar uıy­my daıyn­daǵan konsert­tik baǵ­dar­lamamen aıaqtaldy.

Mıras ASAN,

«Egemen Qazaqstan»

Qaraǵandy oblysy