Mýzeıde ol Kenesary hannyń nemeresi, Alashorda úkimetiniń múshesi, saıası qýǵyn-súrgin qurbany Ázimhan Kenesarınniń urpaǵy Asylhan Áshimhanov pen qazaqtan shyqqan tuńǵysh rejısser, qoǵam jáne óner qaıratkeri, saıası qýǵyn-súrgin qurbany Jumat Shanınniń nemeresi Raıhan Myrzaǵalıevamen kezdesip, ıyqtaryna shapan japty.
Búgingi tańda mýzeı qorynda 16 myńnan asa jádigerler, qujattar men fotoqujattar saqtaýly. Jyl saıyn mýzeıge 15 myńǵa jýyq adam kelip, 300-den astam jańa eksponattarmen tolyqtyrylady. Munan bólek, munda 20-ǵa jýyq mádenı kópshilik is-sharalar ótkizilip turady.
«Qazaqstan Respýblıkasynyń Prezıdenti Nursultan Ábishuly Nazarbaev «Bolashaqqa baǵdar: rýhanı jańǵyrý» maqalasynda Qazaqstannyń revolıýsııalyq emes, evolıýsııalyq damýy ultty órkendetetindigin aıtyp ótti. Kúlli HH ǵasyr revolıýsııalyq silkinisterge toly boldy. Bul, osy aýmaqtaǵy barsha ulttarǵa meılinshe áser etip, búkil bolmysyn ózgertti, halqymyz úshin de qasiretke toly, zobalań da zulmat jyldar boldy. Biz tarıhtyń ashy sabaǵynan bolashaqqa ońtaıly oı túıip, ózimizden bastap, rýhanı baılyǵymyz ben áleýmettik-ekonomıkalyq úrdisimizdi zaman talabyna saı jańǵyrtyp, damytý isine at salysyp, keleshek urpaǵymyzdyń jarqyn bolashaǵy úshin aıanbaı eńbek eteıik!» dedi jıynda oblys ákimi.
Baqtııar TAIJAN,
«Egemen Qazaqstan»
