QR Prezıdent Ákimshiligi, QR Premer-Mınıstrdiń keńsesiniń, QR Mádenıet jáne sport mınıstrliginiń, QR Syrtqy ister mınıstrliginiń, QR Aqparat jáne kommýnıkasııalar mınıstrliginiń, IýNESKO jáne ISESKO isteri jónindegi QR Ulttyq komıssııasynyń, Qazaqstan Respýblıkasyndaǵy Birikken Ulttar Uıymynyń (BUU) aımaqtyq ókildiginiń, «Aq Orda» Respýblıkalyq qozǵalysynyń Qurmetti tóraǵasy Qaırat Satybaldyulynyń qoldaý kórsetýimen Ulttyq kitaphana ǵımaratynda ótetin Bıennalege ádebıet boıynsha Nobel jáne basqa da syılyqtar laýreattary, belgili jazýshylar, álemniń 20-dan astam elinen ǵylym jáne mádenıet qaıratkerleri, 40-tan astam shetel qonaqtary qatysady.
Ekonomıkalyq ózara árekettestikti nyǵaıtýmen qatar, ádebıetshilerdiń shyǵarmashylyq áleýetin paıdalana otyryp, qoǵamnyń rýhanı keńistigin keńeıte túsý qajettiligin kórsetýdi maqsat tutqan Halyqaralyq ádebı bıennale «EKSPO-2017» kórmesine arnalǵan mádenı is-sharalar toptamasy aıasynda ótkizilmek.
Bıennale álemdik mádenıetterdiń alýan túrliligine degen qurmetpen qatar, túrli elder avtorlarynyń teń quqyqty qarym-qatynas ornatýyn negizgi qaǵıda etip ustaıtyn halyqaralyq ádebıet almasýdyń tuǵyrnamasy bolmaq.Atalmysh shara Qazaqstandy ulttyq mádenıeti men mentalıteti san alýan halyqtardyń bir-birimen tatý turatyn ári dostyq pen rýhanı tutastyqqa ulasqan syndarly baılanystar ornata alatyn qoǵam úlgisi retinde tanyta túspek.
«Ortalyq Azııa - Arab álemi: tarıh pen mádenıettiń ózara yqpaldastyǵy» halyqaralyq ǵylymı-tájirıbelik konferensııasy, Bıblıo-tún, «Qoǵamnyń rýhanı jańǵyrýyndaǵy kitaphanalardyń róli», «Ulttyq avtorlardy aǵylshyn tiline aýdarý» atty dóńgelek ústelder, «Maǵan kitap oqyp bershi» halyqaralyq aksııasy, beıresmı áńgimelesý, kitap-ekspozısııalyq jáne fotokórmeler, arnaıy ekskýrsııalyq baǵdarlamalar, álemge tanymal jazýshylarmen kezdesýler sııaqty birneshe baǵdarlamany qamtıtyn Bıennale qorytyndysy boıynsha Álem mádenıeti qaıratkerlerine Úndeý jasalynatyn bolady.
Mıra BAIBEK,
«Egemen Qazaqstan»
ALMATY
