«Senderdiń jaqsylaryń – Quran úırenip jáne ony ózgege úıretkenderiń» degen paıǵambarymyzdyń (s.ǵ.s.) hadısine saı amal etip, Quran jattaýǵa nıet bildirip júrgen jastardyń qatary jyl saıyn kóbeıip kele jatqany qýantady», deıdi «Imanǵalı» meshitiniń bas ımamy Batyrjan Mansurov.
Qatysýshylar Qurannyń eń sońǵy 30-parasyn jatqa aıtý men ózderi jattaǵan súreni kórkem oqýdan jarysqa tústi. Nátıjesinde, Qurmanǵazy aýdanynyń atynan qatysqan Nurjan Orazbekov bas júldeni jáne Kishi qajylyqqa joldamany jeńip aldy. Maqattyq Serik Orynbasarov birinshi, qurmanǵazylyq Aıdarbek Qabdollaev ekinshi oryndy enshiledi. Al ortalyq meshit qyzmetkeri Nuraıbek Jánibekov úshinshi orynnyń tuǵyrynan kórindi. Qurandy kórkem oqý saıysynda Salamat Imanǵalıevtiń esimi úzdik atandy.
Qalalyq jastar resýrstyq ortalyǵynyń basshysy Rafhat Bozbalıev qasıetti Ramazan aıynda jastardyń ýaqyttaryn tıimdi ótkizip, asyl dinimizdi nasıhattaýǵa arnalǵan sharalar ótkizýdi josparlaǵandaryn aıtady.
Baqytgúl BABASh,
«Egemen Qazaqstan»
