Syrdaǵy sony serpilis

Premer-Mınıstr oblys aktıvimen kezdesip, Mem­leket basshysynyń «Qazaq­stannyń Úshinshi jańǵyrýy: ja­han­dyq básekege qabilet­ti­lik» Jol­daýynyń jeke baǵyt­taryn iske asyrý barysyn tal­qylady.

Ekonomıkanyń sapaly ósi­mine qol jetkizý úshin ortalyq jáne óńirlik deńgeıde О́nimdi jumyspen qamtý jáne jappaı kásip­kerlik baǵdarlamasy, «Nur­ly jer» turǵyn úı qury­lysy baǵdarlamasy, AО́K da­mytý baǵdarlamasy syndy basty strategııalyq baǵdarla­ma­­lardy úılestire otyryp jú­zege asyrýdy qamta­masyz etý qajet. Osyǵan baı­la­nys­ty Úkimet ónerkásip ká­sip­oryn­daryn qoldaýdyń qa­jet­ti sharalaryn qabyldaıdy.

Úkimet basshysy Baqytjan Saǵyntaev jumys istep turǵan óndiristerdi tehnologııalyq jańartýǵa jáne bazalyq salalardan jumystan bosatylǵan jumyskerlerdi servıstik eko­nomıkaǵa kóshirýdi basqarý boıynsha júıeli jumysqa, jańa ındýstrııalarǵa jáne qarapaıym zattar ekonomıkasyna basa nazar aýdardy. Sonymen qatar, ónimdi ju­mys­pen qamtý jáne jappaı kásip­kerlik baǵdarlamasyn iske asyrý aıasynda jumyssyzdardy kásiptik oqytý jáne ózin-ózi jumyspen qamtyǵan halyqpen jumys máseleleri talqylandy.

О́zgerip jatqan álemdik jaǵ­daıatty eskere otyryp, óńir­diń ekonomıkasyn ártarap­tandyrý qajet. Atap aıtqanda, ın­vestısııalardy tartý jáne sa­lany sıfrlandyrý arqyly óń­deý ónerkásibin damytý qajet.

Kezdesý barysynda Qyzyl­orda oblysynyń ákimi Q.Kó­sherbaev Prezıdenttiń Jol­daýyn iske asyrýdyń aralyq qorytyndylary týraly baıandady jáne óńirdiń áleýmettik-ekonomıkalyq damý qarqyny týraly habarlady.

Qoǵam ókilderi, onyń ishin­de «Syr Marjany» JShS bas­shysy M.О́teev, «Araltuz» AQ basshysy D.Muqashev, ob­lystyq bilim jáne ǵylym ju­myskerleri kásipodaǵynyń tóraǵasy R.Baınazarova, oblystyq máslıhat depýtaty A.Mahambetov, «Orda Glass ltd» JShS basshysy E.Saǵymbaev pen «Nuraı» JShS basshysy C.Alshynbaev, jazýshy S.Jubatyrov, «Baıqońyr» agroholdınginiń dırektory M.Espanov óńirdi áleýmettik jáne ınfraqurylymdyq damytý, AО́K salasyndaǵy jáne oblys ekonomıkasynyń basqa salalaryndaǵy jobalardy iske asyrý máselelerin kóterdi. 
Investısııalar jáne damý mınıstri J.Qasymbek, Ener­getıka vıse-mınıstri J.Ma­ǵaýov, Eńbek jáne halyqty áleý­­mettik qorǵaý vıse-mı­nıs­tri B.Nurymbetov, «Tur­ǵyn úı qurylys jınaq banki» AQ bas­qarma tóraǵasy L.Ibra­gımova kóterilgen máseleler bo­ıynsha túsinikteme berip ótti. 
Sonymen qatar, Premer-Mınıstr Baqytjan Saǵyn­taev «Atameken» UKP óńirlik keńesiniń múshelerimen Mem­leket basshysynyń Jol­daýyndaǵy jappaı kásip­ker­likti damytý boıynsha alǵa qoıylǵan mindetterdi iske asy­rý aıasynda shaǵyn jáne orta bızneske qoldaý kórsetý máse­lelerin talqylady.

Kásipkerlikti damytý Úki­met qyzmetiniń qarjylaı jáne zańnamalyq qoldaý sharalarynan turatyn basym baǵyty bolyp tabylady. О́nim­di jumyspen qamtý men jap­paı kásipkerlikti damytý baǵdarlamasy boıynsha shekti mólsherlemesiniń eń kóbi 6% bolatyn 17 mln teńgege deıin shaǵyn nesıeler berilýde.

Sonymen qatar, bıznes ortany qaıta retteý boıyn­sha keshendi jumystar júr­gi­zilip jatyr, ruqsattar sany 3 esege qys­qartyldy, memle­ket­tik ba­qylaý jáne qada­ǵa­laý qyz­met­terine tekse­ris júr­gi­zildi, salyq­tyq tek­se­­rister sa­ny 40%-ǵa qysqar­tylatyn bolady. 

Úkimet bıznestiń memle­kettik-jekemenshik áriptestik tetikterin jetildirý men den­saýlyq saqtaý jáne bilim berý nysandarynyń qurylysy salasynda zańnamalyq ret­teýdi jeńildetý boıynsha usy­nystaryn eskerdi. Sonymen qatar, eskirgen normalar men erejeler kúshin joıady, ruq­sat talaptarynyń sany qysqar­tylady.

Satyp alýlar salasyn je­tildirip, bıznestiń kva­zı­mem­lekettik sektordy satyp alýǵa qoljetimdiligin jeńil­detý úshin elektrondy alań, kategorııalyq júıe jáne bilik­tilik aldyndaǵy irikteý, ındýs­trııalyq sertıfıkat jobasy iske asyrylady.  

Aýyl sharýashylyǵynda kásipkerlikke qoldaý kórsetý maqsatymen AО́K damytý memlekettik baǵdarlamasy iske asyrylyp jatyr. Onyń aıasynda qarjy quraldary, jer resýrstaryn tıimdi paı­dalanýǵa jaǵdaı jasaý, aýyl sharýashylyǵy tehnıkasymen qamtamasyz etýdi arttyrý, saýda-logıstıkalyq ınfra­qu­rylymdy damytý men AО́K ǵylymı-tehnologııalyq qamta­masyz etý kózdelgen.

Baqytjan Saǵyntaev bıznes ókilderin, sonyń ishinde ag­rarlyq saladaǵy ma­man­dar­dy usynylyp otyr­ǵan mem­­­lekettik qoldaý qural­da­ryn tıimdi paıdalanyp, ishki qajet­tilikti molyq­tyryp, eks­port­tyq naryqqa shyǵarý úshin jo­ǵary sapaly básekege qabiletti ónimderdi óndirýge shaqyrdy.
B.Saǵyntaev jer­gilikti qam­tý úlesin arttyrý men je­­­­ke­shelendirý rásimderin jeńil­detý arqyly memlekettiń eko­no­mıkaǵa aralasýyn azaıtý má­selelerine toqtalyp ótti. Je­keshelendirýge qatysý bız­nes­ke jańa joldar ashýǵa múm­kindik beredi.

Úkimet basshysy óńir­lik bıznestegi túıtkildi máse­le­lerdi talqylaý úshin kásip­ker­lerdi dıalogqa jáne bir­lese jumys isteýge shaqyrdy. Shaǵyn jáne orta bıznesti damy­tý týraly «Atame­ken» UKP basqarma tóra­ǵasy A.Myr­­zahmetov aıtyp ótti. Ob­lys bıznes qaýymdas­tyǵy­nyń ókilderi, solardyń ishin­de «Atameken» UKP óńir­lik keńesiniń tóraǵasy A.Ma­hambetov, A.Ábdira­zaqova, S.Imandosov, N.Erma­nov kepildendirilgen shaǵyn nesıe­ler, «QazAgro» jelisi boıyn­sha nesıelendirý, «Bıznes­tiń jol kartasy – 2020» baǵdarlamasy boıynsha qyzmet kórsetý salasynda salyq tóleýden bosatý máselelerin qozǵady. Budan ózge, kásipkerler orta arnaıy oqý oryndaryn senimdi basqarýǵa ótkizý múmkindigine qyzyǵýshylyq tanytty.  
Kóterilgen máselelerge Qyzylorda oblysynyń ákimi Q.Kósherbaev, Qarjy mı­nıs­tri B.Sultanov, Aýyl sharýa­shylyǵy mınıstirliginiń bi­rinshi vıse-mınıstri Q.Aı­týǵanov, Ulttyq eko­nomıka vıse-mınıstri S.Ju­manǵarın túsinik berip ótti.

Sonymen qatar, Premer-Mınıstr «Nurly jer» baǵ­dar­lamasy boıynsha turǵyn úı qurylysy men «Nurly jol» baǵdarlamasy aıasynda ınfra­qurylymdy damytý barysymen tanysty.

Qyzylorda qalasynyń áki­mi N.Nálibaev Premer-Mı­nıstr Baqytjan Sa­­ǵyntaevqa óńir halqyn qol­­je­­timdi baspanamen já­ne áleý­­met­tik mańyzǵa ıe ny­san­dar­men qamtamasyz etý boıyn­­sha qa­byl­danyp jatqan shara­­lar tý­raly jáne jańa tur­­ǵyn úı alabynyń jobasy týra­­­ly baıandady. Bıyl oblys or­­­talyǵynyń sol jaq ja­ǵa­­­laýynda salynyp jatqan úıler­­­ge qajetti ınfra­qury­lym júr­­­gizý jumystary bas­talady.

Oblysta «Nurly jer» baǵ­dar­lamasy aıasynda myna baǵyt­tar boıynsha turǵyn úı qury­lysy kózdelgen:
- ıpotekalyq nesıe­len­dirýge qoldaý kórsetý;
- jeke qurylys salýshylardy turǵyn úı qurylysyna yntalandyrý;
- turǵyn úı qurylys jınaq júıesi arqyly júzege asyrylatyn nesıelik turǵyn úı qurylysy;
- jaldamaly turǵyn úıdiń óńirlik qoryn qurý;
- jeke turǵyn úı qury­ly­syn damytý.

Syǵanaq qalashyǵyn aralaý kezinde Premer-Mınıstr Baqytjan Saǵyntaev óńirdiń zııalylar qaýymymen kezdesti. Onda Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynyń jobalaryn iske asyrý máseleleri talqylandy.

Saıası jáne ekonomıkalyq reformalardyń negizi – qo­ǵam­dyq sananyń ozyq jań­ǵyrýy bolyp tabylady. Mem­leket basshysynyń baǵdar­lamalyq maqalasynyń ne­gizgi mindetteri: qoǵamdyq sa­nanyń ashyqtyǵy, eń úzdik dástúrlerdi jáne jańa qundylyqtardy damytý, dástúrler men máde­nıettiń naryqtyq qaǵıdalar men aldyńǵy qatarly tehnologııalarmen úılesýi.

Osyǵan oraı, týǵan ólkeni tanyp-bilý men ulttyq bire­geılikti saqtaý arqyly adam boıynda patrıottyq sezim­di tárbıeleýge baǵyt­talǵan «Týǵan jer» jáne «Qazaq­­stan­nyń kıeli jerleri­niń geogra­fııasy» jobalaryn iske asy­rý kózdelgen. Úkimet elimizdiń árbir óńiri­niń, sony­men qatar Qyzyl­orda oblysy­nyń kıeli jerleriniń tizimin jasaý boıynsha jumystar atqaryp jatyr. Olar elimizdiń «kıeli jer­ler beldeýine» enip, týrızm ındýstrııasyn damytý kózi­ne aınalady.  

Talqylanǵan taqyryp bo­ıynsha óz pikirlerimen jýrnalıst, oblystyq máslıhat depýtaty Sh. Ábdikárimov, jazýshy A. Almatov, «Arheologııa jáne et­nografııa» ǵylymı-zertteý ortalyǵynyń jetekshisi Á.Tá­je­keev, oblystyq tarıhı-ólke­taný mýzeıiniń qyzmetkeri A. Saılaý bólisti.

Úkimet basshysy osy óńirge sapary barysynda Qyzylorda sý torabynyń, Ja­ńaqorǵan aýdanyndaǵy «Shal­qııa» ken ornynyń jumysymen ta­nysty jáne oblystyq kóp­beıindi balalar aýrýhanasynda boldy.

Erjan Baıtiles,
«Egemen Qazaqstan»

Qyzylorda oblysy