B.Imashev V.Gýmınskııdi Parlament Senaty depýtattaryn saılaý boıynsha saılaý naýqanynyń erekshelikterimen tanystyrdy, sonymen birge, Qazaqstannyń barlyq óńirleri men Astana, Almaty qalalaryna TMD baıqaýshylaryn jibergeni úshin alǵysyn bildirdi.
«TMD baıqaýshylarynyń saılaý prosesterine qatysýy jurtshylyqtyń saılaýǵa degen senimin arttyrady. Qazaqstan Respýblıkasynyń Ortalyq saılaý komıssııasy daýys berýge daıyndyq jáne ótkizý boıynsha sońǵy is-sharalardy atqardy. Saılaý komıssııalary saılaý rásimderiniń ashyqtyǵy men saılaý týraly zańnamanyń saqtalýyn qamtamasyz etýge daıyn», − dep atap ótti B. Imashev.
О́z kezeginde, V. Gýmınskıı Parlament Senatynyń depýtattaryn saılaý boıynsha TMD baıqaýshylar mıssııasynyń qyzmeti týraly aıtyp berdi. «Mıssııa saılaýdyń demokratııalyq jáne ulttyq zańnamanyń jalpyǵa birdeı tanymal qaǵıdattaryna sáıkes ótkizilýin baǵalaıdy», − dedi ol.
О́z baǵasyn mıssııa saılaýdan keıin kelesi kúni beredi, ıaǵnı TMD elderiniń barlyq úılestirýshilerimen kelisip, ózderiniń málimdemesinde jarııalaıdy.
B.Imashev atap ótkendeı, TMD-dan baıqaýshylar mıssııasy sany jaǵynan basym bolyp tabylady. Onyń ishinde 106 baıqaýshy akkredıttelgen.
«Ortsaılaýkom oblystyq, Astana jáne Almaty qalalyq saılaý komıssııalary saılaý kúni TMD baıqaýshylar mıssııasynyń saılaýdy tıisti baıqaý úshin jaǵdaı jasaý boıynsha sharalar qabyldaýda», − dedi ol óziniń qorytyndy sózinde.
Qymbat TOQTAMURAT,
«Egemen Qazaqstan»
