Aıtaqov Jarylqasyn Ábdiǵaparuly 1962 jyly Jambyl oblysy, Jýaly aýdany, Jańa Talap aýylynda dúnıege kelgen. Ulty qazaq. Bilimi joǵary. 1985 jyly Jambyl gıdromelıorasııa-qurylys ınstıtýtyn ınjener-mehanık, 2004 jyly Taraz memlekettik ýnıversıtetin zańger jáne 2007 jyly Áýlıe-Ata ýnıversıtetin pedagogıka jáne psıhologııa pánderiniń oqytýshysy, 2011 jyly Jambyl gýmanıtarlyq-tehnıkalyq ýnıversıtetin ekonomıst mamandyqtary boıynsha bitirgen.
Eńbek jolyn 1985 jyly Reseı Federasııasy, Kalýga oblysyndaǵy Kondrov jyljymaly-mehanıkalandyrylǵan kolonnasynda ýchaske mehanıgi bolyp bastaǵan. 1985-1990 jyldary Jýaly aýdany «Býrnoe №15» kásiptik tehnıkalyq ýchılıshesinde oqytýshy, dırektordyń orynbasary qyzmetterin atqarǵan.
1990-1992 jyldary Jýaly aýdandyq komsomol komıtetiniń birinshi hatshysy, 1992-1995 jyldary Jýaly aýdandyq ákimshiliginde uıymdastyrý bóliminiń meńgerýshisi, 1995-2008 jyldary Jýaly aýdany ákimi apparatynyń basshysy, 2008-2010 jyldary Jýaly aýdany ákiminiń orynbasary bolǵan.
2010-2012 jyldary Jambyl oblysy ákimi apparatynyń qarjy-sharýashylyq bóliminiń meńgerýshisi qyzmetinde bolǵan. Keıinnen Jýaly aýdandyq máslıhat hatshysy qyzmetin atqarǵan.
