Habarlamada «Memleket basshysynyń О́kimimen Andreı Nıkolaevıch Kravchenko Qazaqstan Respýblıkasy Bas prokýrorynyń orynbasary qyzmetinen bosatyldy», dep jazylǵan.
Andreı Kravchenko 1966 jyly 19 shildede Almaty oblysynda dúnıege kelgen.
1991 jyly S.Kırov atyndaǵy Qazaq memlekettik ýnıversıtetin quqyqtaný mamandyǵy boıynsha bitirip, 2011 jyly Máskeý bıznes-mektebinde iskerlik ákimshilendirý mamandyǵy boıynsha magıstr dárejesin alǵan.
Eńbek jolyn 1983 jyly sot organdarynda bastaǵan.
1991 jyldan bastap salyq qyzmeti organdarynda jumys istegen.
1994 jyldyń qarashasynan bastap prokýratýra organdaryna qyzmetke kirgen. Odan keıin prokýrorlyq kásiptiń barlyq deńgeıinen ótip shyqqan.
2001 jáne 2011 jyldar arasynda Qazaqstan Respýblıkasy Bas prokýratýrasyndaǵy Áleýmettik-ekonomıkalyq saladaǵy zańdylyqty qadaǵalaý departamentiniń basshysy qyzmetin atqarǵan.
2011 jyldan búginge deıin Qazaqstan Respýblıkasy Bas prokýrorynyń orynbasary bolyp keldi.
II dárejeli «Dańq» ordenimen, «Eren eńbegi úshin» medalimen jáne ózge de memlekettik nagradalarmen marapattalǵan.
Úılengen. Eki balasy bar.
