Atalmysh kórmege ózderiniń baı muralaryn ákelgen ujymnyń biri – «Tańbaly» qoryq-murajaıy. Bul mekeme Almaty oblysy, Jambyl aýdany, Qarabastaý aýylynnyń mańynda ornalasqan. Eldi mekenniń dál irgesinde 3800 gektar alqapty alyp jatqan «Tańbaly» shatqaly bar. Munda qola dáýirinen bastap, bizdiń zamanymyzǵa deıingi aralyqty qamtıtyn 5000-nan astam petroglıf ornalasqan. Bul muralar Ortalyq Azııanyń jartas ónerindegi biregeı qundylyq bolyp sanalady ári 2004 jyldan bastap IýNESKO-nyń búkil álemdik muralar tizimine engen.
Mýzeı qyzmetkerleri «Tańbaly petroglıfter» atty jyljymaly kórmege tas betine bádizdep oımyshtaǵan tańbalardyń ártúrinen eksponattar ázirlepti. Atap aıtqanda, kórme zalyna – taýeshki, buǵy sııaqty dala janýarlarynyń beınesi men totemdik tabyný áreketine tán sheńberli kúnjúıesi sııaqty tastaǵy beınelermen qatar, qysh ydystar, eski qorymdarǵa júrgizilgen qazba jumystary kezinde túsirilgen artefaktiler men fotoderekter, t.b. toptastyrylǵan.
Kelesi zaldaǵy kórmege «Saq mádenıeti» degen ataý berilipti. «О́ıtkeni, mundaǵy jádigerler aldyńǵy tańbaly tas mádenıetin kóne saq mádenıetimen jalǵastyrýshy ekspozısııa retinde birin-biri tolyqtyryp tur», deıdi «Esik» memlekettik tarıhı-mádenı qoryq-mýzeıiniń ǵylymı qyzmetkeri Ásel Ámirbekova hanym.
Munda da Almaty oblysy aýmaǵynan jańadan tabylǵan, áli ǵylymı aınalymǵa enbegen jartas betindegi sýretter qoıylypty. Barlyǵy 35 beıne-nysan 5 topqa bólinip ornalastyrylǵan. Bul tasbeıneler «Jetisý ólkesine tán saq mádenıetiniń ıdeologııasy men mıfologııasy» atty ǵylymı qoldanbaly joba aıasynda jınaqtalyp, zerttelý ústinde kórinedi.
Úshinshi kórme «Ulytaý álemi» degen atpen ashylypty. Mundaǵy basty ıdeıalyq maqsat – Ulytaý tabıǵı-mádenı landshaftysynyń ereksheligin tanystyrý eken. Kórme zalynda – Ulytaý óńiriniń tynys-tirshiligimen tanystyratyn fotokollajdar, Taldysaı qonysynyń fotoprezentasııasy, «Álemdik taý» arhetıpi ispetpes saq obalary men tas músinder fotoderegi qatarly dúnıeler qoıylǵan. Bul tarıhı-aqparattyq qujattar «Ulytaý» qoryq-murajaıynyń ekspozısııasy qorynan jetkizilgen.
Beken Qaıratuly,
«Egemen Qazaqstan»
Sýretterdi túsirgen Orynbaı Balmurat,
«Egemen Qazaqstan»
