Kórmege qazaq dalasyndaǵy órkenıettiń damýyn pash etetin 136 mýzeılik jádiger qoıylǵan. Kórermender álemdik órkenıette ózindik úlesi bar, Uly Jibek joly boıyndaǵy Otyrar óńirinen, Otyrar qalasy ornynan qazylyp alynǵan buıymdardy, maıshamdar men dastarqan (b.z. XI-XII ǵǵ.), qytaı farforyn, temirden jasalǵan eńbek quraldaryn, kúmis jáne mys teńgelerdi, kirpishter men kórkem kirpishterdi erekshe qyzyqtady.
Kórmedegi janýarlar beınelengen boıtumarlar, ásirese qoı, ıt, jylqy músinderi, altyn jalatylǵan kemer beldik, syrǵa, júzik, sholpylar sekildi zergerlik biregeıligimen erekshelenedi. Qostanaılyq kórermender nazaryn Otyrardyń keıingi damý kezeńine – HVII ǵasyrǵa tán, azyq-túlik saqtaýǵa jáne sý tasymaldaýǵa arnalǵan ydystar, qysh buıymdary da erekshe nazar aýdardy. Keń kólemde kórsetilgen Otyrar qysh ydystary materıalynyń berik ári túr-túsi jaqsy saqtalǵandyǵymen tańǵaldyrady.
Otyrar kórmesi osyǵan deıin Qazaqstannyń toǵyz qalasyn aralapty. Qostanaılyqtar endi ony bir aıdaı tamashalaıtyn bolady.
Názıra JÁRIMBET,
«Egemen Qazaqstan»
QOSTANAI
