Kógildir otyn qol sozymda

Sonymen birge, oblys orta­ly­­ǵynyń shyǵysyna, О́tenaı aýyl­­dyq okrýgine, ońtústik-shy­ǵys jáne soltústik aýmaqtarǵa gaz jelisi tartylady. Bul ju­mystar oıdaǵydaı oryndal­sa, jyl so­ńy­na qaraı jos­par­da­ǵy 22 paıyz ǵana emes, qa­la tur­ǵyndarynyń jartysy kó­gil­­dir otyndy paıdalana alady de­gen sóz.
Taldyqorǵan qalasyna gaz qubyrlaryn tartý ju­mys­tary tórt kezeń boıynsha oryn­dalady. Alǵashqy kezekte «Qaratal» shaǵyn aýdany, Aby­laı han, Jansúgirov, Gaý­har ana kósheleriniń boı­yn­daǵy, oblystyq aýrýhana, avtobeket jáne ortalyq ba­zar­dyń mańyndaǵy jeke jáne kóp qa­bat­ty turǵyn úıler, «Tal­dy­qor­ǵan» ındýstrııalyq aımaǵy men Ońtústik óndiristik aımaq gaz jelisimen qamtylady. Ekinshi ke­­zekte «Samal», «Jastar» sha­ǵyn aýdandary men Qabanbaı ba­tyr, Chkalov, Belov, Shevchenko kó­­sheleriniń boıyndaǵy jeke já­ne kóp qabatty turǵyn úı­ler­ge gaz jetkiziledi. Úshinshi ke­zekte О́tenaı jáne «Shyǵys» sha­ǵyn aýdany men Jansúgirov, Almaty, Tilek Ábjalıev kó­she­siniń turǵyndary kógildir otynǵa qol jetkizedi. Sońǵy kezekte Er­kin, Kóktal aýyldary men qala ma­ńy­n­daǵy saıajaılar gazdandyry­la­d­y.
Búginge deıin Taldyqorǵan qalasyna gaz jelisin tartý ju­my­sy belgilengen jospar boıynsha oryndalǵan. Demek, bıylǵy jospardyń ýaqtyly oryndalatynyna senim mol. Aıtalyq, ótken jyly qalanyń ortalyq aýmaǵynyń – 23, shyǵys aýmaqtyń – 17, О́tenaı selolyq okrýginiń – 7, Erkin selolyq okrýginiń – 20, ońtústik-batys aýmaqtyń – 11, soltústik aýmaqtyń – 22 paıyzyna gaz tartylǵan. Bıylǵy jospar boıynsha qalanyń ortalyq aýmaǵynyń – 22, shyǵys aýmaqtyń – 15, О́tenaı aýyldyq okrýginiń – 13, ońtústik-shyǵys aýmaqtyń – 13, soltústik aýmaqtyń – 27 paıyzyna gaz jelisi jetkiziledi. Demek, jyl sońyna qaraı qalanyń 50 paıyzdan astamy kógildir otynmen qamtylady.
Kelisimshartqa oraı, gazben qamtýdy mindetine alǵan mekemeler gaz qubyryn ár úıdiń qaqpasyna deıin jetkizip berýge mindetti. Odan arǵy jumystar men onyń shyǵyny turǵyndardyń ózi­ne tıesili. Syrttaǵy gaz je­li­sin úıge engizýge qatysty ju­mys­tardy úı ıeleri óz qar­jy­symen at­qarady. Irgeden ótip jatqan qoljetimdi gazdy qol sozym jerge tartyp alý kim-kimge de qıyndyq týǵyza qoımaıtyny anyq. 

Almas NÚSIP,
«Egemen Qazaqstan»

Almaty oblysy