Ol qurylym bórenelerine órmelep shyǵyp, Qazaqstan men Aýstrııa Týyn ornatty. Pavılon basshylyǵynyń aıtýynsha, bul – eki el arasyndaǵy yntymaqtastyq pen ózara túsinistikti bildiredi. Álemdegi barlyq segiz myń metrlik shyńdarǵa ottegi quralynsyz shyqqan Maqsut Jumaev – Aýstrııa eline burynnan beri dostyq nıettegi jan. Bul dostyqtyń bastamasy sonaý 2003 jyly Gımalaı ekspedısııasy kezinde segiz myń metrlik Nangaparbatqa shyǵý aldynda qalanǵan. Ol álemdegi barlyq segiz myń metrlik shyńdardy ottegi quralynsyz baǵyndyrǵan tarıhtaǵy alǵashqy áıel – aýstrııalyq alpınıst Gerlında Kaltenbrýnnermen tanys. 2011 jyly bıiktigi jaǵynan Everestten keıingi álemdegi eń bıik shyń – K2-ge «taý patshaıymy» Gerlında Kaltenbrýnner jáne qazaqstandyq alpınıster Maqsut Jumaev pen Vasılıı Pıvsovtyń birge kóterilýi – úsheýi úshin de álemniń segiz myń metrlik shyńdaryn baǵyndyrýdaǵy ózderiniń jeke baǵdarlamalarynyń aıaqtalýy boldy.
Tórt jyl buryn Maqsut Jumaev Prezıdent Nursultan Nazarbaevtyń Venaǵa resmı sapary qarsańynda Aýstrııanyń eń bıik núktesi – Grosglokner shyńyn baǵyndyryp, eki eldiń dostyǵy men ózara túsinistiginiń kepili retinde Aýstrııa men Qazaqstan Týyn qadaǵan.
Aýstrııada taýdy eńkeıgen káriden, eńbektegen balaǵa deıin jaqsy kóredi. Onda 150 jyldan astam ýaqyttan beri taý demalysy men tabıǵatyn unatatyn adamdardyń «Alpenverein» alpilik qaýymdastyǵy jumys isteıdi. Uıym men Maqsut Jumaev yntymaqtastyq týraly memorandýmǵa qol qoıyp, Qazaqstanda osyǵan uqsas klýb qurǵan. «Men Aýstrııany onyń adam men tabıǵatqa qatysty «jasyl» tehnologııalary úshin qatty syılaımyn. Qazaqstandyq alpınıster klýbynyń negizgi maqsaty – adamdardy tabıǵatpen durys til tabysýǵa úıretý», deıdi M.Jumaev.
EKSPO-daǵy Aýstrııa pavılonyna kelýshiler qazaqstandyq alpınıstiń «Kúsh mashınasyn» baǵyndyrýdaǵy áserli shoýyna kýáger bolyp, qazaqstandyq klýbpen, onyń aýstrııalyq áriptesi – «Alpenverein» klýbymen tanysty. Sonymen qatar, alpınıstiń álemniń eń bıik shyńdaryn baǵyndyrǵany týraly, Gerlında Kaltenbrýnnermen birge taýǵa shyǵýy jaıynda estelikterin tyńdady. Maqsut Jumaev alpınızm men «jasyl» tehnologııalar arasynda da baılanys bar ekendigin aıtty. «Alpınızm tabıǵatpen baılanysty. Osy arqyly biz «jasyl» tehnologııa-
lar túsinigi bar ekendigin jetkizgimiz keldi. Bul – tek adamdar arasyndaǵy ǵana baılanys emes, tabıǵat pen adamzat arasyndaǵy baılanys. Adam tabıǵatty qalaı aıalasa, osydan onyń álemge degen kózqarasyn anyqtaýǵa bolady», deıdi ol.
Alpınıst «Kúsh mashınasyna» shyqqan kezde boıynda qorqynysh bolǵanyn da jasyrmady. «Konstrýksııaǵa órmelegenimde shynymen qoryqtym. Sebebi, bul qondyrǵyny men turǵyzǵan joqpyn. Sondyqtan yńǵaısyzdaý boldy. Qorqynysh jańa áreket jasatady, eger oǵan berilseńiz, alǵa jyljymaısyz. О́zińizge degen senim bolý kerek. Armandaryńyzǵa senińiz. Janyńyz ózgeristerdi qalasa, armanyńyzǵa qol sozyńyz. Mysaly, meniń armanym – álemdegi eń bıik Everest shyńyn arnaıy jabdyqsyz baǵyndyrý», degen M.Jumaev kelesi jyly onyń da reti keletinin áńgimeledi. Onyń aıtýynsha, Everest shyńyna ekinshi ekspedısııasyn uıymdastyrmaq. «Sol kezde osy oıymdy júzege asyrý úshin bar kúshimdi salamyn», – dep aǵynan jaryldy alpınıst.
Ashat RAIQUL
"Egemen Qazaqstan"
