Naqtyraq aıtsaq, Maqtaaral aýdany Qazaqstannyń soltústiginen tasymaldanatyn elektr jaryǵyn О́zbekstan elektr jelilerin paıdalaný arqyly qabyldaýǵa múmkindik alyp otyr. Bul kelisimge Ońtústik Qazaqstan oblysy ákimdigi aǵymdaǵy jyldyń 23 aqpanynda Tashkentte ótken úkimetaralyq komıssııasy otyrysynyń qorytyndysynda qol jetkizgen bolatyn. Nátıjesinde Ońtústik Qazaqstan oblysy Maqtaaral aýdanynyń turǵyndary men óndiristik kásiporyn tutynýshylary sapaly elektr energııasymen qamtamasyz etilip otyr.
Ekijaqty kelisimge saı «Ońtústik JaryqTranzıt» JShS Maqtaaral aýdany aýmaǵynda 6,32 shaqyrym 110 kV-tyq elektr jelisiniń qurylysyn júrgizip, 110 kV-tyq qosymsha uıashyq ornatyp, О́zbekstan Respýblıkasynyń «Ferýz» elektr jelisine qosyldy. Júzege asqan joba negizinde elektr jelileri arqyly 60 MVt-qa deıin elektr energııasyn tasymaldaýǵa múmkindik bar.
Aıta ketý kerek, qazirgi tańda О́zbekstan Respýblıkasy elektr jelileri arqyly Qazaqstan Respýblıkasynyń soltústik óńirinen qajettilikke baılanysty 21 MVt elektr energııa tasymaldanýda.
