Jaýapty kezdesýde pavlodarlyq ujymnyń bas bapkeri negizgi quramǵa ózgeris engizbedi. Kezdesýdiń alǵashqy mınýttary joǵary qarqynda ótti. Jerlesterimiz barynsha saq oınaýǵa tyrysqanmen, 10-mınýtta dop jiberip aldy. Aıyp soqqysynan Mıtchell Donald dál soqqy jasap, serbııalyq ujymdy alǵa shyǵardy. Alań ıeleriniń basymdyǵy birden baıqalmaǵanmen, oıyn tizginin aqyryndap óz qoldaryna ala bastady. Al «Ertisten» Stefan Jıvkovıchtiń belsendiligi baıqaldy. Pavlodarlyqtardyń negizgi shabýyly da dál osy Jıvkovıchtiń qaptaly arqyly órbip jatty.
Jerlesterimiz namysqa tyrysyp, tarazy basyn teńestirýdi kózdegenmen, alań ıeleri basymdyqty jibere qoımady. 77-mınýtta Slavolıýb Srnıch sol qaptaldan kelgen dopqa birinshi bolyp jetip, sońǵy núkteni qoıdy.
Qos kezdesýdiń qorytyndysy boıynsha jalpy esepte «Srvena Zvezda» 3:1 esebimen basym túsip, kelesi kezeńge joldama aldy. Pavlodarda ótken birinshi match 1:1 esebimen teń aıaqtalǵan bolatyn.
