QR Premer-Mınıstri Baqytjan Saǵyntaevtyń jumys sapary oblystyń Baıanaýyl aýdanynan bastaldy, onda týrızmdi damytý, ınfraqurylymdyq damytý máseleleri, sondaı-aq, «Sakraldy Qazaqstan» jáne «Týǵan jer» jobalary aıasyndaǵy mindetter qaraldy.
О́ńirde Baqytjan Saǵyntaev oblystyń ónerkásiptik kásiporyndarynyń jańǵyrtylý úderisterimen tanysady, olardyń qatarynda «KAZ Minerals Bozshakol» JShS mys kenin óndirý men qaıta óńdeý óndirisi, «R.W.S. Whelset» temirjol biligi zaýyty, «Prommashkomplekt» temirjol dóńgelekterin shyǵarý sehy, «Pavlodar munaı-hımııa zaýyty», «Qazaqstan elektrolız zaýyty» bar.
Baqytjan Saǵyntaev Prezıdenttiń «Qazaqstannyń úshinshi jańǵyrýy: jahandyq básekege qabilettilik» Joldaýyn iske asyrý aıasynda oblystyń ónerkásiptik kásiporyndaryn tehnologııalyq jańǵyrtý máseleleri jóninde arnaıy keńes ótkizedi dep kútilýde.
Sondaı-aq, QR Premer-Mınıstri Baqytjan Saǵyntaev «Pavlodar» AEA-na barady, oblystyń bıznes qaýymdastyǵynyń ókilderimen kezdesedi, «Nurly jer» baǵdarlamasy aıasynda salynyp jatqan turǵyn úılerdiń qurylys qarqynymen jáne «Nurly jol» memlekettik baǵdarlamasynyń ınfraqurylymdyq mindetterin iske asyrý jumystarymen tanysady.
