«Baǵdarlama aıasynda omartashylar men gúldi ósimdikter ósiretin dıqandarǵa jyl saıyn demeýqarjy berilse, quba qup bolar edi. Biz qazir jergilikti agroquryldarmen yntymaqtasa jumys isteýdiń arqasynda asyl tuqymdy aralar ósirýge erekshe den qoıyp júrmiz», – deıdi oblystyq omartashylar qaýymdastyǵynyń basshylyǵy.
Búgingi kúni oblysta keń qanat jaıǵan mundaı qos taraptyq jumys tájirıbesiniń jemisin kórip kele jatqandardyń biri – Oleg Gavrılov. Ol jetekshilik etetin «Paseka-Qyzyljar» JShS-niń omartashylary Esil, Taıynsha, Mamlıýt aýdandaryndaǵy agroqurylymdardyń alqaptarynda ornalasqan. Aralar túıeshóp, kúnbaǵys, maıly, jemazyq daqyldaryn tozańdandyryp, ósimdikterdiń shyǵymdylyǵyn 30 paıyzǵa deıin arttyrady. Naýqan bastalǵannan beri 1,5 tonna bal jınalypty.
«Egin» sharýashylyǵynyń alqabynda ońtústikqazaqstandyq «Bochka s medom» seriktestiginiń ara ósirýshileri júr. Olar teriskeıge birinshi ret kelgenderine qaramastan ara sharýashylyǵyn damytýǵa barlyq jaǵdaı jasalǵandaryn aıtady. Kún saıyn bir uıa 6 kılodaı bal beretin kórinedi.
О́mir Esqalı,
«Egemen Qazaqstan»
Soltústik Qazaqstan oblysy
