Kezdesýdiń negizgi taqyryptary qarjylyq jáne zańnamalyq sıpattaǵy memlekettik qoldaý sharalary men bıznes ortany odan ári jaqsartý máseleleri boldy. Áńgime tekserister men talaptardyń sanyn azaıtý jáne ruqsat pen anyqtamalar berý úderisterin ońtaılandyrý jóninde órbidi.
О́nerkásiptik óńir úshin ózekti máselelerdiń biri - kásiporyndardyń tehnologııalyq jańǵyrýy bolyp tabylady. Jańǵyrtý 3.0 aıasynda óndiris úderisterin sıfrlandyrý men avtomattandyrý eńbek resýrstaryn ónerkásiptik sektordan bosatýǵa ákeledi.
Osyǵan oraı, ónimdi jumyspen qamtý jáne jappaı kásipkerlikti damytý baǵdarlamasyn iske asyrý aıasynda bıznes qaýymdastyq pen jergilikti atqarýshy organdar jańa jumys oryndaryn ashý, jumystan bosatylǵan mamandardy qaıta oqytý ári qaıta daıarlaý sharalaryn qolǵa alýy kerek. Bul jumystar týraly Pavlodar oblysynyń ákimi B. Baqaýov baıandady.
О́ńir kásipkerleri jańa jobalarǵa «Pavlodar» AEA salyqtyq jeńildikterdiń qoljetimdiligi, «Bıznestiń jol kartasy - 2020» baǵdarlamasy boıynsha qarajattardyń qoljetimdiligi, óndirýshilerdiń biryńǵaı tizimin qalyptastyrý taqyryptaryn qozǵady.
Budan ózge, pavlodarlyq kásipkerler úshin otandyq óndirýshilerdi josyqsyz kásipkerlerden qorǵaý, bıznes sýbektilerin shaǵyn nemese iri sanatyna jatqyzý belgilerin anyqtaý máseleleri ózekti bolyp tabylady. Sondaı-aq, «Atameken» UKP óńirlik keńesiniń músheleri oqytý mekemelerin lısenzııalaý rásimderine jáne elektrondy shot-faktýralardy shyǵarý úderisterine qyzyǵýshylyq tanytty.
Oblys kásipkerleriniń usynystary men suraqtaryna QR ulttyq ekonomıka mınıstri T. Súleımenov, QR ınvestısııalar jáne damý mınıstri J. Qasymbek, QR energetıka mınıstri Q. Bozymbaev, QR bilim jáne ǵylym vıse-mınıstri B. Asylova túsinikteme berip ótti.
Kezdesýde «Atameken» UKP basqarma tóraǵasynyń orynbasary N. Áltaev, óńirlik UKP músheleri: «BONA» JShS dırektory N. Erejepov, Pavlodar ınnovasııalyq ýnıversıtetiniń qarjy jáne damý jónindegi vıse-prezıdenti L. Frezorger, «Pobeda» JShS dırektory A. Polıakov, «TPB Agromır» JShS dırektory N. Poplaves, «Qazenergokabel» AQ bas dırektory O. Krýk, «Talapker» ShQ basshysy A. Beısembınov, «SOM-PV» JShS dırektory A. Dıak, «Galıskoe» JShS dırektory A. Kasısyn sóz sóıledi.
