Qańtar-maýsym aılarynda tekserý barysynda Qazaqstanda turǵylyqty meken-jaıyn aýystyrǵan, elordaǵa qonys aýdarǵan 300-den astam azamat tirkeldi. Onymen birge 190 myńǵa jýyq adam ýaqytsha tirkeýge turdy, 115 myń adam turaqty tirkeýden ótti.
Bul tekseris barasynda páter jaldaýshylardy tirkeýden ótkizbegen 120 páter ıesine aıyppul salyndy. Salynǵan aıyppul somasy – shamamen 1,5 mln. teńge. Elordada 3 myńǵa jýyq azamat tirkeýden ótpegen, - dedi Astana q. IID kóshi-qon basqarmasynyń basshysy Erketaı Tutqyshev.
«Qoldanystaǵy zańnamany buzǵan Qazaqstan azamatyna eskertý jasaldy. Egerde ol elordada 1 aıdan astam ýaqyt tirkeýsiz tursa, onda oǵan 5 AEK mólsherinde (9 000 teńgeden astam) aıyppul salynady», - dedi Erketaı Tutqyshev.
Qabyldanǵan Zańǵa sáıkes ár qazaqstandyq turǵylyqty meken-jaı boıynsha tirkeýden ótýge mindetti. Atalmysh zań 2017 jyldyń basynda óz kúshine engen bolatyn.
