Polsha Parlamentiniń qos palatasynan ótken bul zań polshalyqtardyń narazylyǵyn týdyryp, el boıynsha qarsylyq sherýlerine ulasty. Áli qabyldanbaǵan zań jobasy boıynsha Joǵarǵy sottyń qazirgi sýdıalary zeınetke ketip, jańa sýdıalardy Ádilet Mınıstrligi taǵaıyndamaq. Sherýge shyǵýshylar jańa sot reformasynyń demokratııaǵa qarsy ekenin jáne sottyń táýelsizdigin joıatynyn aıtyp otyr. Polshalyqtarmen qatar, atalmysh zań jobasyna AQSh Memlekettik departamenti men Eýropalyq Odaq alańdaýshylyq bildirdi. Nátıjesinde Polsha Prezıdenti zańnyń ádilettik sezimin nyǵaıtpaıtynyn aıtyp, veto qoıatynyn jetkizdi.
