A.Qydyrbaeva Ult Jospary sheńberinde kózdelgen sot reformalarynyń sátti iske asyrylǵanyn atap ótti. Atap aıtqanda, ol Ult Jospary sheńberinde júrgizilgen reformalardyń sot tóreligin júzege asyrýdyń tıimdiligine oń yqpal etkenin jetkizdi.
«Aıtalyq, esepti kezeńde sottarda azamattyq isterdi qaraý merzimi eki esege qysqardy. Isterdiń 62,5 paıyzy jeńildetilgen is júrgizý tártibinde qaralýda. Sot buıryǵy, daýlardy sheshýdiń balamaly tásilderi jáne medıasııa tártibinde qaralǵan ister sany edáýir artty. Kelisimdik tártiptegi qylmystyq ister sany 43 paıyzǵa, qysqartylǵan negizdegi ister sany 3,5 esege artty», – dedi mamandandyrylǵan sot alqasynyń tóraıymy..
Sonymen qatar A.Qydyrbaeva sýdıalyqqa kandıdattardyń jasy 30-ǵa deıin ulǵaıtylǵanyn tilge tıek etti.
О́z baıandamasy barysynda spıker Joǵarǵy Sot janyndaǵy Sot tóreligi akademııasyn alǵashqy túlekter bitirip shyqqanyn jetkizdi.
«Joǵarǵy Sot janyndaǵy aıryqsha mártebege ıe Sot tóreligi akademııasy 2016 jylǵy 18 aqpanda Prezıdent Jarlyǵyna sáıkes quryldy. Jumys istep júrgen sýdıalardyń biliktiligin arttyrý jáne qoǵamnyń sot tóreligine senimin nyǵaıtýǵa qabiletti jańa formasııadaǵy sot kadrlaryn daıarlaý jańa JOO-nyń negizgi mindetteri bolyp tabylady. Bıyl Sot tóreligi akademııasyn 51 túlek bitirip shyqty», – dep atap ótti A.Qydyrbaeva.
Raýan QAIDAR,
«Egemen Qazaqstan»
