Bizdi erteń mańyzdy ári jaýapty oıyn kútip tur. «Astana» óz deńgeıinen joǵary óner kórsetýi kerek. Sońǵy kezderi elordalyq ujym óz dárejesinde oınaı almaı júr. «Legııa» sózsiz bul kezdesýdiń favorıti bolyp esepteledi. Degenmen, ár oıynda favorıtter ǵana jeńe bermeıtini beseneden belgili. Kimniń jeńiske degen qulshynysy joǵary bolsa, sol basym bolady.
Marın Tomasovty tizimge qosyp úlgerdińizder me?
Ázirge bul másele sheshimin tapqan joq. Oıynshylardy tolyǵymen tirkeý úshin bizdiń azdaǵan bolsyn ýaqytymyz bar. Bári men oılaǵandaı bolady dep oılaımyn.
О́tken oıynnan keıin komandanyń ótý deńgeıin tómen baǵaladyńyz…
Biz jattyǵý kezinde qolymyzdan kelgenniń bárin jasadyq. Maksımaldy deńgeıge kóterý úshin tynbaı daıyndaldyq.
Bul oıynda qaqpaǵa gol jibermeý eń basty maqsat pa?
Árıne, gol jibermeý basty maqsattarymyzdyń biri. Degenmen de óz taktıkamyzdy qoldanyp, jeńiske jetýge tyrysýymyz kerek.
Sıntetıkalyq alańda óner kórsetý «Astanaǵa» basymdylyq bolyp eseptele me?
Burynǵy alań jaqsy edi. Qazir jańasy bolǵandyqtan azdap qıyndaý. Dop ta jyldam ushpaıdy. Biraq bastysy eki komanda bir alańda oınaıdy emes pe?!
«Spartak», «Tobyl» komandalaryna qarsy oıyndaǵy negizgi quramda ózgeris bola ma?
Tomasovtyń jaǵdaıy ázirge naqty belgisiz. Bárin erteń oıyn aldynda jigitterdiń daıyndyǵyna qaraı kóremiz.
Laslo Klıaınhaısler erteńgi oıynda alańnyń qaı tusynda oınaıdy?
Laslonyń qaı tusta oınaıtyny erteń bir-aq belgili bolady.
«Tobylǵa» qarsy oıynda qaqpaǵa Nenad Erıch shyqty. Al erteń kimdi shyǵarýdy josparlap otyrsyz?
Qaqpashylarymyz qazir joǵary deńgeıde óner kórsetip júr. Sondyqtan erteń kimdi shyǵaratynym qazir belgisiz.
«Legııanyń» sońǵy oıyndaryn kórdińiz be? Bul ujymǵa qandaı baǵa beresiz?
Álbette. Olardyń chemıonattarynyń deńgeıi joǵary. Ol jaqta chempıonattyń sońǵy týrlary ótip jatyr. Bári baryn salyp óner kórsetip júr.
Aıta keteıik, ótken aınalymda «Spartak» komandasyna qarsy oıynnan keıin Stanımır Stoılov polshalyq ujymnan ótý múmkindigin bes-aq paıyzǵa baǵalaǵan bolatyn. Al «Legııaǵa» qarsy oıyn erteń 20:00-de «Astana Arena» stadıonynda ótedi.
Aıan ÁBDÝÁLI,
«Egemen Qazaqstan»
