«Qazaqstanda fýtbol deńgeıinde kótergimiz kelse, kóp nárseni aýystyrýymyz kerek. Eń birinshi, ınfraqurylymǵa ózgeris engizilýi qajet. Stadıondardyń jaǵdaıy rettelse, shetelden úzdik oıynshylar, bapkerler keler edi. Árıne, sapasy syn kótermeıtin alańdarda joǵary deńgeıde oıyn ótkizý ońaı emes. Máselen, «Astana Arena» men «Qaırattyń» stadıonynda basqa deńgeıde match ótse, ózge alańdardaǵy oıyn... Ádettegi ádis-tásildi qoldaný ońaıǵa soǵa bermeıdi. Sol sebepti komandalar jıi synǵa ushyraıdy. Bir-eki match jaqsy oınasa, ary qaraıǵy jaǵdaıyn ózderińiz bilesizder», dedi «Astananyń» bas bapkeri.
Ol sondaı-aq, osy másele aldaǵy ýaqytta ózgermese, eýrododalardy tek teledıdar arqyly ǵana tamashalaýymyzǵa týra keletinin aıtyp ótti.
«Qazaqstandaǵy sapasyz alańdar Eýropanyń eshbir elinde joq. Ol jaqta qajetti jaǵdaıdyń bári jasalǵan. Sol sebepti deńgeıleri de bizge qaraǵanda áldeqaıda joǵary. Sondyqtan bapkerlerdiń jańa taktıka oılap tabýyna da múmkindik bar. Osy máseleler sheshimin tapsa, biz de, «Qaırat» ta, Qazaqstannyń ózge komandalary da Eýropaǵa jıi shyǵyp turar edi. Fýtbolǵa jaqsyraq kóńil bólinse, deńgeıi artar kún de alys emes. Eger jabýly qazan osy kúıinde jabýly qalsa, keler jyly da bul taqyrypty taǵy qozǵaıtyn bolamyz. Al «Astananyń» sońǵy úsh jylda Eýropaǵa shyǵýyn tek sáttilik dep aıtar edim. Bul fýtboldaǵy bir ǵajaıyp qana. Árıne, bul joly da toptyq kezeńge joldama alý úshin «Astana» sońyna deıin kúresetin bolady», dedi Stanımır Stoılov.
Aıta keteıik, erteń elordalyq komanda Chempıondar lıgasynyń úshinshi irikteý kezeńinde Polshanyń «Legııa» klýbyna qarsy oınaıdy. Match jergilikti ýaqyt boıynsha 20:00-de, «Astana-Arena» stadıonynda ótedi.
Aıan ÁBDÝÁLI,
«Egemen Qazaqstan»
