Spıkerdiń sózinshe Marafonnyń marshrýty Astananyń sol jaǵalaýyndaǵy basty kóshelerdi qamtıdy.
– Sporttyq sharaǵa ShYU múshe árbir memleketten jalpy 30 kásibı sportshyny tartý kózdelgen. Olar, úsh túrli qashyqtyqta baqtaryn synaıdy: 42km 195m, 10km, jáne 2017 metr. Shetelden keletin qatysýshylar sany 1000 adamdy qurap otyr. Qazaqstandyq taraptan 4000 adam qatysady dep kútilýde. Marafonǵa qatysýshylardyń jalpy sany 5000 adam, - dedi E.Qanaǵatov.
Sonymen qatar, baspasóz máslıhatynda marafon baǵyty, marafonǵa tirkeletin saıt meken-jaıy, jarnamalyq kompanııa jáne basqa da jasalyp jatqan jumystar týraly aıtyldy.
– Qazirgi tańda Qytaıda marafondy jarnamalaý jumystary qarqyndy júrip jatyr. 10 shildede People’s Daily New Media «Jenmın Jıbao» ulttyq saıtynyń ǵımaratynda Halyqaralyq Astana marafonyn ótkizýge baılanysty baspasóz-konferensııasy uıymdastyrylǵan bolatyn. Qytaı astanasyndaǵy kezdesý ústimizdegi jyldyń 22 mamyrynda QR Mádenıet jáne sport mınıstrligi, QR Jeńil atletıka Federasııasy men «Shanhe» Iýnnan mádenıet jáne sport kompanııasy arasynda ótti, - dedi spıker.
Aıta keteıik, osy jyly Azııadaǵy О́zara Yqpaldastyq jáne senim sharalary jónindegi keńeske 25 jyl tolyp otyr. Osy ataýly datany Halyqaralyq marafonmen birge atap ótý qajet degen sheshim shyǵaryldy.
Astana qalasy Dene shynyqtyrý jáne sport basqarmasynyń basshysy Berik Marjyqpaev 24,25, 26 tamyzda offlaın tirkelýdiń ashylatynyn aıtty. Sonymen qatar ol marafon qarsańynda, qatysýshylarǵa nómirlerdi taratý sharasy uıymdastyrylatynyn jetkizip, álemge tanymal marafonshylardyń sheberlik klasy ótetinin habarlady.
Marafonnyń jalpy júlde qory 22 mln-dy quraıdy jáne oǵan onlaın tirkelý ústimizdegi jyldyń 15-shildesinde bastaldy.
Raýan QAIDAR,
"Egemen Qazaqstan"
