«Uly Jibek joly. Kóne Tarazdan asqaq Astanaǵa tartý» etnokerýen Qazaqstan astanasyna Jambyl kúnderiniń ótýine baılanysty keldi. Qonaqtardy kútip alý saltanaty elordalyq «Ǵashyqtar» saıabaǵynda ótip, oǵan Astana ákimi Áset Isekeshev qatysty.
Bes kún boıy Astanada oblystyq tarıhı-ólketaný mýzeıiniń «Taraz – tarıhtyń altyn dińgegi» kórmesi ótedi.
Kórmede saq dáýirinen Qazaq handyǵy qurylǵanǵa deıingi 300-den astam jádiger nazarǵa usynylady. Qala turǵyndary men qonaqtary qazba jumystary kezinde tabylǵan tarıhı ınstallıasııalardy, tıyndardy, qumyralardy jáne tarazdyq qyl qalam sheberleriniń sýretterin tamashalaı alady.
.jpg)
Elordada Jambyl oblysynyń kúnderi aıasynda merekelik konsertter, kórmeler, teatrlandyrylǵan qoıylymdar uıymdastyrylady. Oǵan oblystyq fılarmonııanyń, oblystyq qazaq drama teatrynyń, «Alataý» folklorlyq ansambliniń ujymdary men belgili ánshiler men kompozıtorlar qatysady.
Qalalyq «Qazanat» ıppodromy alańyndaǵy etnoaýylda sheberler aýyly ornalastyrylady. Al «Qazaqstan» sport kesheni aýmaǵynda ótetin aýylsharýashylyq jármeńkesinde elordanyń turǵyndary men qonaqtary saýda jasaı alady.
