Atyraý oblysynyń Isataı aýdanynda turatyn Zaıyphan Naýryzbaeva – solardyń biri. Makaron sehyn ashqysy kelgen ol aýdandyq kásipkerler palatasyna baryp, memleketten beriletin grantty alýǵa qujattar toltyrǵan. Bastamasy sátti boldy. Zaıyphan Naýryzbaeva atalǵan baǵdarlama aıasynda 1 mln 700 myń teńge kóleminde qaıtarymsyz grant utyp aldy.
«Grant qarajatyna Reseıge arnaıy baryp, makaron sehynyń tehnologııalyq prosesterimen tanystyq. Qajetti qural-jabdyqtardy satyp aldyq. Joldasym Jambyl tehnologııalyq kolledjinde oqyǵan, sondyqtan bul sala bizge jaqsy tanys. Seh qurylysyna aýyl sharýashylyǵyn qoldaý qorynan qosymsha nesıe aldyq. Qazir makaronnyń eki túrin shyǵaramyz, bolashaqta bıznesimizdi keńeıtkimiz keledi», deıdi kásipker.
Saǵatyna 80 kg ónim shyǵarylatyn sehta ázirge kásipkerdiń otbasy músheleri jumys isteıdi. Isataı aýdanynda buǵan deıin makaron sehy bolmaǵan. Jańa bastamaǵa qoldaý kórsetken ısataılyqtardyń jergilikti ónimge suranysy joǵary.
Baqytgúl BABASh,
«Egemen Qazaqstan»
