«Qaraǵandy - Temirtaý» avtojoly ýchaskesinde beton jabynyn qalaý jáne armatýralaý jumystary júrgizilip jatyr. «QazAvtoJol» UK» AQ Qaraǵandy bólimshesiniń dırektory Qanat Shaımın avtokólik jolyn jóndeý barysy men jospardaǵy aıaqtalý merzimi týraly baıandady.
2015 jyly «Nurly jol» ınfraqurylymdyq damý memlekettik baǵdarlamasy aıasynda jóndeý jumystary bastalǵan «Ortalyq - Ońtústik» kólik dálizi el ekonomıkasy úshin úlken mańyzǵa ıe. Bul dáliz kólik-logıstıkalyq áleýetti damytýǵa yqpal etetin bolady jáne Qazaqstanǵa álemdik kólik joldaryna qosylýǵa ári tranzıttik halyqaralyq tasymaldardyń kólemin arttyrýǵa múmkindik beredi.
Budan ózge, óńiraralyq baılanys kúsheıe túsedi, tasymaldardyń alshaqtyǵy men avtokólikterdiń jolda ótkizetin ýaqyttary qysqarady. Sonymen qatar qozǵalys qaýipsizdigi artady jáne avtojoldarǵa irgeles aýmaqtardyń ekologııalyq jaǵdaıy jaqsarady.
Rekonstrýksııalaý jumystaryn júrgizý jol boıy servısteriniń damýyna jáne jańa jumys oryndarynyń ashylýyna septigin tıgizedi. Sondaı-aq, kempıngter, janarmaı quıý oryndaryn jáne de jol boıyndaǵy respýblıkalyq mańyzǵa ıe ózge de nysandardy ornalastyrýǵa zamanaýı talaptar qoıylady.
