«Angola Respýblıkasynyń pavılony «Barshaǵa arnalǵan energııa» dep atalady. Pavılon bizdiń Memleket basshysy Nursultan Nazarbaev usynǵan mańyzdy ári aýqymdy taqyrypty tolyq ashady. Energııa adamzattyń ózekti problemalarynyń biri bolyp qalyp otyr. Ári ol ómirimizdiń kóptegen salalaryna yqpal etedi», - degen Abaev Angola memleketine kórmege qatysqany úshin alǵys aıtyp, sáttilik tiledi.
Al Angola Respýblıkasynyń Ekonomıka mınıstri Abraý Pıý Dos Santos Gorjel qazirgi zamandy energııasyz elestetýge kelmeıdi deıdi. Sondyqtan, ol Astanada ótip jatqan EKSPO-2017 halyqaralyq kórmesi búkil álem halqyn ǵalamdyq energetıkalyq dıalogqa ákeledi, degen pikir aıtty.
Angola ónerpazdarynyń konsertinen keıin qonaqtar Angola men Qazaqstan pavılondaryn aralap shyqty. Al Aqparat jáne kommýnıkasııalar mınıstri Dáýren Abaev Angola Respýblıkasy Ekonomıka mınıstriniń ıyǵyna shapan japty.
Esterińizde bolsa, jýyrda Dáýren Abaev mınıstrlikke kelgen ár qonaqtyń ıyǵyna shapan jabamyn dep ýáde bergen bolatyn. Ol osylaısha Gollıvýd juldyzy Nıkolas Keıdjge qatysty suraqqa jaýap bergen edi.
