Qazaqstan • 12 Tamyz, 2017

Búgin elimizdiń keı óńirlerinde aýa raıy qubylmaly bolady

336 ret

kórsetildi

1 mın

oqý úshin

Atmosferalyq fronttardyń ótýine baılanysty 12 tamyz kúni eldiń basym aımaǵynda qubylmaly aýa raıy saqtalady, ótkinshi jańbyr, burshaq kútiledi, naızaǵaı oınap, jel kúsheıedi. Respýblıkanyń tek batysynda kún jaýyn-shashynsyz ótedi, dep habarlaıdy «Qazgıdromet» RMK.

Egemen Qazaqstan

Búgin elimizdiń keı óńirlerinde aýa raıy qubylmaly bolady

Jambyl, Shyǵys Qazaqstan oblystarynyń keı jerlerinde burshaq pen daýyl boljanady, jeldiń ekpini 23-28 m/s kúsheıedi, jekelegen aýdandarda tuman bolady.

Aqmola oblysynyń keı jerlerinde burshaq jaýyp, daýyl turady, jel 15-20 m/s artady, túnde jáne tańerteń tuman bolady.

Almaty oblysynyń keı jerlerinde burshaq túsip, daýyl bolýy múmkin, túnde jekelegen aýmaqtarda jeldiń jyldamdyǵy 18-23 m/s artady.

Ońtústik Qazaqstan oblysynyń keı jerlerinde jel 15-20 m/s kúsheıip, daýyl kóteriledi, burshaq jaýady.

Soltústik Qazaqstan oblysynda kúndiz keı jerlerde jel 15-20 m/s kúsheıedi, burshaq jaýyp, daýyl turýy múmkin, túnde jáne tańerteń tuman boljanady.

Pavlodar, Qaraǵandy oblystarynyń keı jerlerinde jel 15-20 m/s kúsheıedi, túnde jáne tańerteń tuman bolady.

Qyzylorda, Aqtóbe, kúndiz Qostanaı oblystarynyń keı jerlerinde jel 15-20 m/s jetedi.

Almaty, Jambyl, Qyzylorda, Ońtústik Qazaqstan oblystarynda, Atyraý, Batys Qazaqstan, Aqtóbe, Qaraǵandy, Qostanaı, Shyǵys Qazaqstan oblystarynyń keı jerlerinde joǵary órt qaýpi saqtalady.