Sonymen qatar 15 tamyzǵa deıin jumys isteıtin «Made in Belarus» atty kórme ashyldy. Qazaqstan jáne Belarýs úkimetteriniń basshylary Baqytjan Saǵyntaev pen Andreı Kobıakov mashına jasaý, munaı hımııasy, kólik, aýyl sharýashylyǵy, jeńil ónerkásip, medısına, farmasevtıka jáne azyq-túlik ónimderi men qurylys materıaldary usynylǵan sharany birge aralady.
Bıznes-forýmda Baqytjan Saǵyntaev sóz sóılep, bul basqosý memleketter arasyndaǵy úlken iskerlik baılanys ornatýǵa degen qyzyǵýshylyqty bildiretinin jetkizdi. «Maǵan forýmǵa belarýstik 70 kompanııa, bizden 200-ge jýyq kompanııa qatysyp jatqandyǵy týraly aıtyldy. Bul qos el arasyndaǵy úlken iskerlik baılanys ornatýǵa degen qyzyǵýshylyqty bildiredi. Osy kezdesýimiz de eki jaqty baılanysty ári ózara iskerlik-áriptestikti nyǵaıtýǵa baǵyttalǵan. Ásirese, qos taraptyń shaǵyn jáne orta bıznes ókilderiniń belsendiligi qýantady. Oǵan kórmeni aralaǵan kezde kózimiz jetti», dedi Qazaqstan Premer-Mınıstri.
Baqytjan Saǵyntaev elimizde Belarýs kásipkerlerimen birlesken 250 kásiporyn jumys istep jatqandyǵyn alǵa tartty. «Made in Belarus» atty kórme elderimizdiń arasyndaǵy ózara tıimdi baılanysty damytýǵa serpin beredi ári jańa jobalardyń paıda bolýyna yqpal etedi. Biz muny tek qoldaımyz. Osyndaǵy Belarýs tehnıkasyn kórip, onyń joǵary sapada jasalǵanyn atap ótkim keledi», dedi Úkimet basshysy.
Belarýs Respýblıkasynyń Premer-mınıstri Andreı Kobıakov eki el arasyndaǵy dostyq qarym-qatynasty joǵary baǵalady. Basqosýda Belarýstiń joǵary laýazymdy memlekettik qyzmetkerleri men kásipkerlerine Qazaqstannyń ekonomıkalyq jetistikteri men ınvestısııalyq áleýeti tanystyrylyp, ekijaqty qarym-qatynastyń tıimdi de keleshegi zor baǵyttary anyqtaldy.
Ashat RAIQUL,
«Egemen Qazaqstan»
