Yntymaqtastyqqa yqylas zor

Basqosýda ekijaqty yn­ty­maq­tastyqtyń ózekti másele­leri, sonyń ishinde saýda-eko­no­mıkalyq qarym-qatynastardy odan ári damytý boıynsha 2017-2018 jyldarǵa arnalǵan birles­ken sharalardyń josparyn iske asyrý barysy talqylandy.

Jıynda aldymen Baqytjan Sa­ǵyntaev sóz sóılep, Qa­zaq­­stan-Bela­rýs qarym-qaty­nasy jyl sanap ilge­ri­lep, damyp jat­qanyn atap ótti. «Eki el ara­syn­daǵy túrli sala­daǵy baılanys­tar dostyq pen yntymaqtastyq rýhyn­da qar­qyndy túrde órkendep keledi. Osy oraıda bizdiń elder­diń kóshbas­shy­larynyń róli aı­ryqsha. Qazirgi kezde Elbasy Nursultan Nazarbaevtyń Mın­skige saparyna qyzý daıyn­dyq ústindemiz. Memleket bas­shysynyń sapary Qazaqstan-Be­larýs qatynastaryn buryn­ǵy­dan da ilgerilete túsýge eleýli serpin beredi dep boljap otyrmyz», dedi B.Saǵyntaev.

О́z kezeginde Andreı Kobıa­kov Qazaq­stan tarapynyń qonaq­jaı­lyǵy úshin alǵysyn bildirdi. «Bıyl – elderimiz úshin mereı­toıly jyl. Biz 25 jyl buryn dıplomatııalyq qatynas­tardy or­nat­tyq. Osy ýaqyt aralyǵynda ynty­maq­tas­ty­­ǵymyz strategııalyq mánge ıe boldy. Qazaqstan – biz­diń mańyzdy ári saýda aı­na­­lymy kólemi boıynsha se­nimdi seriktesimiz, sizdermen ekijaqty, sondaı-aq, ıntegra­­sııalyq turǵyda ári halyq­aralyq uıymdar aıasynda joǵa­ry deńgeıdegi ózara is-qımyl­dardy qoldap kelemiz», dedi Belarýs úkimetiniń basshysy.  

Basqosýda eki tarap Saýda-eko­no­mıkalyq yntymaqtastyq jónindegi Qazaqstan-Belarýs úkimetaralyq komıs­sııasy qyzmetine qatysty másele­lerdi qarady jáne bıyl qyrkúıek aıyn­da Qazaqstanda ótetin komıssııanyń kezekti 13-otyrysyn talqylady. Sodan keıin mamyr aıynda Qazan qalasynda TMD elderiniń Úkimet basshylary keńesiniń otyrysynda qol qoıylǵan, «Qazaqstandyq Tokamak» bazasyndaǵy táji­rıbelik keshendi birlesip paıdalaný týraly kelisimniń iske asyrylý jaǵdaıyn sóz etti.

Taraptar Eýrazııalyq eko­no­mıkalyq odaq aıasynda ózara is-qımyl jasasý máselelerine nazar aýdardy. О́ner­kásiptik sa­lada, kólik jáne kommýnıka­sııalar, sondaı-aq, ǵarysh salasynda yntymaqtastyqty keńeı­­tý máseleleri qaraldy. Shara sońyn­da B.Saǵyntaev pen A.Kobıakov EKS­PO-2017 kór­mesi men Astanada qu­ry­la­tyn Startap-hab aıasynda bir­les­ken jobalardy iske asyrý keleshe­g­in tal­qylady.

Eki eldiń Premer-mınıstr­leri Ba­qytjan Saǵyn­taev pen Andreı Kobıa­kov­tyń kezdesýi birqatar ekijaqty keli­simderge qol qoıý rásimimen jalǵas­ty. Qazaqstan Qorǵanys jáne aeroǵarysh ónerkásibi mınıstri Beıbit Atam­qulov pen Belarýs Ult­tyq ǵylym akade­mııasynyń tóralqa tóraǵasy Vladı­mır Gýsa­kov ǵarysh keńistigin beıbit maqsattarda zertteý jáne paıdalaný salasyndaǵy ynty­­maqtastyq týraly úkimet­aralyq kelisimge qol qoıdy.

«Habar» agenttigi» AQ bas­qarma tór­aıymy Al­ma­gúl Ahmet­janova men Belte­le­ra­dıokom­panııa tóraǵasy Gen­na­dıı Da­vydko yntymaqtastyq týra­­ly kelisimdi bekitti. Sony­men qatar Qazaqstan Syrtqy saý­da palata­synyń basqar­ma tóraǵasy Aıan Erenov pen Be­larýs Saýda-óner­kásip palata­synyń tóraǵa­sy Vladımır Ýlahovıch ynty­maq­tastyq týraly kelisimge qol qoıdy.

Ashat RAIQUL,
«Egemen Qazaqstan»