Jasyratyny joq, «Soltústiktiń qaqpasy» sanalatyn, erekshe strategııalyq mańyzǵa ıe shahardyń kireberis kelbeti búgingi kún talabyna sáıkes kelmeıtindikten jurtshylyq ta, syrttan kelgen meımandar da jańartýdy qalaıtyn. Ásirese, úzdik-sozdyq, ıin tirese salynǵan ári tozyǵy jetken jeke lashyqtar qala surqyn qashyryp turatyn. «DSR» dep atalatyn bul aýmaqta búginde qulaqqa jyly estiletin «Jas órken» shaǵyn aýdany boı túzep, qalanyń eń kórikti ornyna aınalyp keledi. 62 gektar jerde qalaı bolsa solaı ornalasqan eski úıler men dúńgirshekter súrilip, olardyń ornynda záýlim ǵımarattar boı túzeı bastady. Munda bas jospar boıynsha 11 turǵyn úı kesheni ozyq úlgilermen turǵyzylady. Bul shamamen eki myńdaı páter degen sóz. «Kazgradstroı», «Zertteý SK», «Kókshetaý janarmaı bazasy» kompanııalary 384, 313 jáne 332 kóp qabatty úılerdiń qurylysyn eńserip tastady. Bolashaqta 9 qabatty prokýratýra ǵımaraty, 4 qabatty oqýshylar saraıy, teatr, basqa da áleýmettik-mádenı nysandar turǵyzylady. Jaryq dıodty shamdar ilinip, sándi qorshaýlar ornatylady. Jasyl jelektermen kómkeriledi. Aınalma joldyń tusyna bıiktigi 14 metrge jeteǵabyl Qojabergen jyraý Tolybaıulynyń at ústindegi eskertkishi alystan «menmundalap» turatyn bolady.
«Benzostroı» dese at-tonyn ala qashatyn adamdar endi osy jaqqa kelýge yntyq. О́ıtkeni, aramshópter qaýlap ósip ketken, jańbyr jaýsa, topyraǵy qamyrsha ılenip qalatyn ıesiz jer búginde adam tanyǵysyz ózgerip, ádemi qalashyqqa aınalǵan. 720 oryndy hımııa-bıologııa baǵytyndaǵy Nazarbaev zııatkerlik mektebi, 20-ǵa jýyq kópqabatty úıler boı túzep, qonys toılar kóbeıdi. Qazir 8 kóp- qabatty úı turǵyzylýda. Budan tysqary 19-shy shaǵyn aýdanda qurylysy qyzý qarqyn alǵan kópqabatty tórt turǵyn úıge 3,5 mıllıard teńge baǵyttalǵan.
Baǵdarlamanyń ózekti bir baǵyty – jeke turǵyn úı qurylysyn jandandyrý. Qaladan shetkerileý ornalasqan «Solnechnyı» kentinde kezekte turǵandarǵa eki myń sharshy metr jer telimderi bólinip, 200 jeke úıdiń qurylysymen tórt kompanııa aınalysýda. Infraqurylymǵa 1,3 mıllıard teńge qarastyrylǵan. Al memleket-jekemenshik áriptestigi sheńberinde 7,6 mıllıard teńgeniń alty iri jobasyn júzege asyrý josparlanǵan. Olardyń qataryna kelesi jyly iske qosylatyn oftalmologııalyq ortalyq quramyna kúnine eki júzden astam naýqasty qabyldaıtyn emhana, 35 kereýettik stasıonar kiredi. Balalar men eresekterge sapaly oftalmologııalyq qyzmettiń barlyq túri kórsetiledi. 1 200 orynǵa shaqtalǵan tennıs ortalyǵynda tórt jabyq, úsh ashyq kort bolady.
Byltyr 107 aýla asfalttalyp, 80 balalar alańy abattandyrylsa, bıylǵy meje – 100. Mádenıet jáne demalys saıabaǵy ózgeshe keıipke enbek. Atap aıtqanda, 249 sham, 70 qoqys jáshigi, 137 oryndyq, sporttyq jattyǵý qurylǵylary ornatylady. Budan bólek, balalar oıyn alańy salynyp, 2,5 shaqyrymdyq velosıped joly tartylady. Qýraǵan 2 myń túp aǵash kesilip, jas kóshetter otyrǵyzylady.
Sóz arasynda joldardy jóndeý men qalpyna keltirý jumystaryna 12,5 mıllıard teńge qarastyrylǵanyn, onyń 1,2 mıllıardy osydan 60 jyl buryn paıdalanýǵa berilgen kópirdi jańǵyrtýǵa baǵyttalǵanyn aıta ketken jón.
Tutastaı alǵanda, bıyl turǵyn úı qurylysy jáne ınjenerlik-kommýnıkasııalyq ınfraqurylymdar tartýǵa 5,7 mıllıard teńge bólinip, 1 446 páterli 16 kópqabatty turǵyn úılerdiń qurylysy qarqyndy júrgizilýde.
О́mir ESQALI,
«Egemen Qazaqstan»
Soltústik Qazaqstan oblysy
