Oǵan elordalyq zııaly qaýym ókilderi túgelge jýyq jınaldy. Sondaı-aq, Kókshetaý men Ereımentaý aýdanynyń ákimshiliginen de birqatar azamattar qatysty. Keshti fılologııa ǵylymdarynyń doktory, professor Shákir Ibraev júrgizdi. Ol búginnen bastaý alǵan is-sharanyń Kákishev týǵan aýylda jáne Almatyda jalǵasyn tabatynyna toqtaldy. Ol iri ǵalymnyń óz oı-pikirin bultaqtamaı týra aıtatyn minezin, sońyna qaldyrǵan mol murasyn áńgime ózegine aınaldyrdy.
Tursynbek Kákishev Sáken Seıfýllın murasyn kóp zerttegen ǵalym. Kesh barysynda zııaly qaýym ókilderi onyń Sákendi jalpaq jurtqa tanytýdaǵy eńbegin atap ótti. Sondaı-aq, «Qazaq ádebıetiniń tarıhy» kóptomdyǵyna, «Kópultty keńestik ádebıetiniń tarıhy» atty kitaptarǵa sińirgen eńbekterine sholý jasady. Onyń ádebı syny týrasyndaǵy maqalalary áńgime ózegine aınaldy.
О́mir jolynda 20-30-dan astam ǵylym doktorlaryn, birneshe kandıdattardy daıarlaǵan Tursynbek Kákishev tirliktegi adamdyq qadir-qasıeti dýaly aýyz ǵalymdar tarapynan aıtyldy.
Keshke qatysqan Tursyn Jurtbaı, Nurlan Orazalın, Dıhan Qamzabekuly, Serik Turǵynbek, Nesipbek Aıtuly, Rahymjan Turysbek syndy ǵalymdar men qalamgerler iri ǵalymnyń tulǵasyn tanytatyn jyly estelikterimen bólisti.
Aıgúl SEIIL,
«Egemen Qazaqstan»
