Onyń qorytyndysy boıynsha qazaqstandyq ǵalymdar óz ázirlemelerine kommersııalandyrýdy engizý týraly ıdeıany jarııa etti. Ǵalymdar atalǵan bastamalar boıynsha reseılik áriptestermen birlesip, iske asyrylǵan kommersııalyq jobalar salasynda tájirıbe almasty. Sonymen qatar, qoldanbaly jáne fýndamentaldy zertteýlerge ınvestısııalar tartý boıynsha usynystar jasady. Sarapshylardyń pikiri boıynsha ǵylymı-tehnıkalyq ázirlemelerdi kommersııalandyrý ekonomıkalyq órleýge jáne Qazaqstannyń ǵylymy men tehnıkasynyń damýyna oń áserin tıgizedi.
Qatysýshylar Qazaqstannyń týrıstik klasterin damytýdaǵy ǵylymı ádisterin usyndy. Jas ǵalymdar atalǵan salaǵa ınvestısııa tartýǵa qatysty pikir almasty. Sheteldik týrıster úshin Qazaqstannyń kýrorttyq oryndarynyń florasy men faýnasyn zertteý boıynsha jańa baǵdar qurý týraly usynys jasaldy. Sarapshylardyń pikiri boıynsha, týrızmniń atalǵan túri ártúrli elderdiń klıentteri tarapynan zor tabys ákelýi múmkin.
Forýmǵa qatysqan reseılik Máskeý, Sankt-Peterbýrg, Omsk, Novosıbırsk, Ekaterınbýrg, Magnıtogorsk qalalarynyń ǵalymdary eki el arasyndaǵy transshekaralyq yntymaqtastyq máselelerine toqtaldy. Qatysýshylar ǵylymı qaýymdastyqtar urpaqtarynyń sabaqtastyǵyn jalǵastyrý úshin birlesken ǵylymı mektepter men ujymdar qurý qajettigin aıtty.
RǴA jas ǵalymdar keńesiniń tóraǵasy, f.m.ǵ.k Leonıd Kotelnıkov: «Modernızasııa jaǵdaıynda iri taqyryptarǵa ártúrli mamandardy qatystyrý qajet, olardy bir elden tabý múmkin emes», dedi. Zertteýler úshin kóldeneń yntymaqtastyq izdep tabý, kóptegen ǵalymdardy, ınjenerlerdi, ǵylymı mektepterdiń aǵa býyny ókilderin qatystyrý qajet. Aldymyzda turǵan mańyzdy mindetterdiń biri – zamanýı ǵylymı qaýymdastyq arasyndaǵy baılanys mehanızmin ázirleý. Zertteýlerdegi bilim men tájirıbe sabaqtastyǵy, sondaı-aq baılanystardy jalǵastyrý jas ǵylymı býynǵa alǵa qadam jasaýǵa múmkindik beredi. Qazaqstan Respýblıkasy Tuńǵysh Prezıdenti - Elbasynyń Qory usynǵan alańnyń arqasynda biz ǵylymı zertteýlerdi júrgizý boıynsha aqparat almasýǵa jáne zııatkerlik kúsh-qýatymyzdy biriktirýge jáne óndirisitk máselelerdi sheshýge múmkindik alamyz.
Odan keıin Qazaqstannyń jas ǵalymdary eki el arasyndaǵy taýar aınalymyn arttyrýǵa yqpal etetin reseılik jáne qazaqstandyq orasan zor elektrondyq kommersııa ınterneti arasynda biryńǵaı onlaın alańyn qurý ıdeıasyn usyndy. Budan basqa, ol eki el arasyndaǵy tutynýshylarǵa ónimderdi arenda úshin jáne saýda alańdarynyń servısi úshin shyǵyn shyǵarmaı óz baǵasymen satyp alýǵa múmkindik beredi. Sarapshylar platforma taýar aınalymyn 75 mıllıard AQSh dollaryna deıin jetkize alady degen pikir aıtty.
Mahmýt Tomanov, QR Tuńǵysh Prezıdenti - Elbasy Qory jas ǵalymdar keńesiniń tóraǵasy: «Biz bir orynda ornalasqan kóptegen reseılik jáne qazaqstandyq ınternet-dúkenderin biryńǵaı ınternet-alańyn qurǵymyz keledi. Ol reseılik, sondaı-aq qazaqstandyq óndirýshiler óz ónimderin bir jerde sata alady degen sóz», dedi.
Forým aıaqtalǵan soń taraptar birlesken qazaqstan-reseı sarapshylar keńesin qurý týraly ýaǵdalasty, ol óz kezeginde shekaralas elderdiń basshylaryna ózekti ekonomıkalyq, saıası problemlardy jáne qoǵamnyń máselelerin sheshý jolyn izdestirýdi qamtamasyz etedi. Atalǵan bastama Tuńǵysh Prezıdent Qorynyń jáne RǴA JǴK jas ǵalymdar keńesiniń negizinde qurylady.
Forým jyl saıyn dástúrli túrde ótkiziledi, onda jas ǵalymdar birlesip jańa jáne perspektıvti jobalar salasyndaǵy memlekettik sektorǵa arnalǵan usynystar ázirleıdi.
