Tatarstan men Taldyqorǵan arasy

Oblystyq ákimdikte ótken resmı kezdesý óńir ekonomıkasynyń basym baǵyttary men Taldyqorǵan qalasyn damytýdyń bas jos­parymen tanysýdan bastaldy. Res­mı de­legasııaǵa oblys aý­ma­ǵyn­da júzege asyry­lyp jat­qan agroónerkásiptik ke­shen­di damy­tý, ındýstrııalandy­rý, ınvestısııa tar­tý kór­set­kishteri jáne óńirdiń da­mý baǵyty jaı­ly jan-jaqty aqpa­rat berildi. Sońǵy ýa­qyt­­tarda at­qarylǵan jumystar men jetken je­­tistikterdiń kórsetkishi jańa áriptestik qa­rym-qatynastarǵa negiz salmaq. Osyǵan deı­in qol jetkizgen kelisimderdiń nátıjesi de mámilege áser etpeı turmaıdy. In­ves­tısııa tar­tý, sheteldik kompa­nııalarmen áriptestikti nyǵaıtý bú­ginde el ekonomıkasynyń bir ti­re­­gi esepteledi. Sol sebepti, Tatar­stan eli bas­­shysynyń bul sapary al­daǵy ýaqyttaǵy tyń jobalarǵa jol ashary sózsiz.

Bul sapardyń uıytqysy bolǵan bizdiń tarap ekenin aıta ketken jón. Resmı delegasııamen saltanatty tanystyqtan soń, oblys ákimi Amandyq Batalov sóz sóı­lep, shaqyrtýdy qabyl alǵany úshin Tatarstan Res­­pýb­lıkasynyń Pre­­zıdenti Rýstam Mı­nnı­­­­­­­­hanovqa alǵys bildirdi. Kez­de­sý­­diń maq­sa­ty men oblys eko­no­mı­kasynyń negizgi ba­ǵyt­taryna toq­taldy.

– Biz sizderden ónerkásipti damytý, jańa teh­nologııalardy engizý turǵysyndaǵy tá­ji­rıbelerińizdi ózi­mizde qoldanǵymyz ke­ledi. Qa­nt qyzylshasyn ósirýdi jań­ǵyrtý – Je­tisý ólkesi úshin basym ba­ǵyttardyń bi­ri bolǵandyqtan, bul salada jumyla ju­mys júr­gi­zý­demiz. Sol sebepti sizderdiń osy ba­ǵyttaǵy tájirıbelerińiz ben teh­no­­lo­gııa­laryńyz bizdi qyzyq­ty­ra­tyndyǵy anyq. Sondaı-aq, Mem­le­ket basshysy Nur­sul­tan Ábishuly Nazarbaevtyń tapsyrmasy boıyn­sha qurylǵan «Qorǵas – Shyǵys qaq­pasy» ar­naıy ekonomıkalyq aımaǵy men «Qor­ǵas» shekara mańy yntymaqtastyǵynyń Ha­lyq­aralyq ortalyǵy (ShYHO) arqyly «Qur­ǵaq port» transulttyq jo­basynyń múm­kinshilikterine ne­gizdelip, Tatarstan men Almaty ob­lysynyń kásipkerleri arasyn­da áriptestiktiń tyǵyz baılanysyn o­r­nat­qan jón. Taǵy bir atap ótýge turarlyq má­se­le – bizdiń óńirimizde barlyq qajetti ınfra­qurylymy júrgizilgen ındýstrııaldy aı­maqtar bar. Bul da bıznesti damytý men ın­vestısııa tartýǵa septigin tıgizer ıgi isimiz, – dedi ákim.

Al Tatarstan Prezıdenti eki aradaǵy árip­testikke múddeli eke­nin aıta kelip, jańa qarym-qa­ty­­nastarǵa jol ashatyn osy kez­de­­sýdi uıymdastyryp, shaqyrý usyn­ǵany úshin óńir basshysyna rı­zashylyǵyn jetkizdi. Ekijaqty ty­ǵyz qarym-qatynas ornatýdyń negizgi tetikterin sóz qyldy. Bul sa­parynda kózdelgen kelisimderdiń tatar tarapy úshin de asa mańyzdy ekenin eskertti.

– Biz «Qorǵas» ShYHO men «Qor­ǵas – Shyǵys qaqpasy» AEA múmkindikterimen tanysýǵa úlken qy­zyǵýshylyq bildirip otyr­myz. Biz úshin erkin ekonomıkalyq aı­maqtyń jumysymen tanysý, qandaı ba­ǵyt­tar boıynsha bir­lesip jumystar júr­gizýge bo­la­tyndyǵyn anyqtaý, otandyq ónim­­de­ri­mizdi Qazaqstan aýmaǵy ar­qyly óz­ge mem­­leketterge ót­kizý múmkindikterin qa­ras­­tyrý mańyzdy bolyp tur. Sonymen qa­­tar, Almaty oblysynda memleket-je­ke­­men­shik áriptestik negizinde kóptegen ba­la­baq­sha­lardyń ashylyp jatqandyǵyna erekshe toq­tal­ǵym keledi. Bul tájirıbelerińiz ja­ńalyq bol­dy. Qyzyqtyrdy. Odan bólek, Je­tisý óńi­ri maıburshaq pen júgeri óndirý boı­yn­sha aldyńǵy qatarda ekendigin eskersek, biz úshin osy ónimderdi ósirýdegi siz­der­diń tá­ji­rıbelerińiz qajet. Jal­py, Tatarstan men Al­maty oblysy arasynda aýylsharýashylyǵy b­a­­ǵytynda joldary qıylysar tus­tar­dyń óte kóp ekendigin jáne ony qos tarapqa da tıimdi paı­dalanýǵa bolatyndyǵyn baıqadym, – dedi Rýstam Mınnıhanov.

Sóziniń sońynda jetisý jeriniń kór­kem­di­gin, sharýashylyqqa yńǵaı­ly tabıǵı-klı­mattyq jaǵ­daı­yn atap ótti. Mundaı ba­sym­dyq­­tar men artyqshylyqtar kim-kim­men de bá­sekege qoryqpaı tú­sýge jáne kim-kimge de se­nimdi se­rik­tes bola alatynyn aıta kelip, qan­daı kelisimge kelse de, eki jaq úshin de tıimdilikke bastaryna senim bildirdi.

Tatar ultynyń, Tatarstan Res­pýb­lı­k­a­sy­nyń basshysy kelip jat­qanda, elimizdegi ta­tar dıasporasy bul kezdesýden qalys qa­la qoımasy anyq. Ákimdiktegi ózara tıim­di yn­­tymaqtastyq múmkindikterin tal­­qy­la­ǵan­nan keıin, qos tarap kezdesýdi Til saraı­yn­da jal­ǵas­tyr­dy. Mártebeli meımandar Al­maty oblysynyń tatar etno­má­denı ortalyǵynyń ókil­de­rimen kez­desip, kózaıym boldy deýge bolady. Til sa­raı­­yndaǵy jıynda Tatarstan Prezıdenti ob­­lys ákimine Árip Táńirbergen jazyp qal­dyr­ǵan «Birjan Sal men Aqyn Sara aıtysy» atty qoljazbanyń kóshirmesin tabystady.

Qonaqtardyń budan arǵy sapary ne­giz­gi dittegen maqsat boıyn­sha Panfılov aýda­­nynda jal­ǵas­ty. «Qorǵas – Shyǵys qaq­pa­sy» arnaıy ekonomıkalyq aım­a­ǵy men «Qor­ǵas» shekara ma­ńy yntymaqtastyǵynyń Ha­lyq­aralyq ortalyǵymen tanysyp, alys-be­ris, barys-kelis júretin aı­­maqtyń tynys-tir­shiligine, ar­tyq­shylyqtaryna qanyǵyp qaıtty.

Almas NÚSIP,
«Egemen Qazaqstan»

Almaty oblysy

Sýretti túsirgen

Jumabaı Musabekov