QR ulttyq ekonomıka mınıstri Tımýr Súleımenov qujat «Qazaqstan-2050» strategııasynda», 30 ozyq damyǵan eldiń qataryna kirý tujyrymdamasynda, bes ınstıtýsıonaldyq reformada, sondaı-aq Qazaqstannyń úshinshi jańǵyrýynda kórsetilgen maqsattar men mindetterdi iske asyrý úshin ázirlengenin málimdedi.
Jyl basynan beri Qazaqstanda ekonomıkalyq belsendiliktiń jaqsarǵany baıqalýda. 7 aıdaǵy JIО́ ósimi 4 %-dy qurady. Jyl qorytyndysy boıynsha 3,4% deńgeıde ekonomıka ósimi bolady dep kútilýde. Budan ózge, HVQ boljamyna sáıkes, 2017-2018 jyldary ekonomıkasy damyǵan elderdiń belsendiliginiń artýy sebebinen 3,5–3,6% deńgeıde álemdik ilgerilemeli ekonomıkalyq ósim bolady dep kútilýde.
2018-2022 jyldarǵa arnalǵan boljam men 2018-2020 jyldarǵa arnalǵan bıýdjettik parametrlerdi qalyptastyrýdyń negizi retinde munaı baǵasy — $45 kezindegi bazalyq ssenarıı alyndy.
JIО́ naqty ósimi 2018 jyly 3,1% deńgeıinde boljanǵan, 2022 jyly 4,2%-ǵa deıin ósim kútilýde. JIО́ ósiminiń ortasha jyldyq qarqyny aldaǵy kezeńde 3,7%-dy quraıdy. Ataýly JIО́ aldaǵy jyly 55,9 trln teńgeden 2022 jyly 75,9 trln teńgege deıin ósedi. Halyqtyń jan basyna shaqqanda JIО́ 2018 jyly $9’000 quraıdy, 2022 jyly $11’700 deıin ulǵaıtylady.
IIDMB jobalaryn engizý, «Nurly jol» jáne «Nurly jer», AО́K damytý memlekettik baǵdarlamalaryn iske asyrýdy jalǵastyrý, sondaı-aq Úshinshi jańǵyrtýdy iske asyrý boıynsha jobalyq basqarýdy engizýdiń arqasynda óńdeý ónerkásibinde 4,2% deńgeıinde, aýyl sharýashylyǵynda — 5,7%, qurylys salasynda — 4,0%, kólik salasynda— 5,1% jáne saýdada — 3,5% ósimniń joǵary qarqyny oryn alady dep kútilýde.
Ulttyq bank 2018 jyly 5–7% aralyǵynda, 2019 jyly 4–6% aralyǵynda jáne 2020-2022 jyldary 3–4% tómendetý arqyly jyldyq ınflıasııanyń maqsatty dálizin saqtaǵan. Jumyssyzdyq deńgeıi 2018 jyly 4,9%-dan 2022 jyly 4,7%-ǵa deıin qysqartylady.
О́sim parametrlerine qol jetkizý úshin negizgi nazar ekonomıkalyq saıasattyń kelesi basymdyqtaryna beriledi: makroekonomıkalyq turaqtylyqpen qamtamasyz etý, jedeldetilgen tehnologııalyq jańǵyrtý, bıznes ortany túbegeıli jaqsartý men keńeıtý, adam kapıtalynyń sapasyn jaqsartý, ınstıtýsıonaldyq qaıta qurý.
Sondaı-aq, negizgi basymdyq ekonomıkalyq derbestik pen óńirlerdiń jaýapkershiligin nyǵaıtyp, keńeıtý jáne Qazaqstan azamattaryna ómir súrý mekenine qaramastan birdeı deńgeıde ómirlik jáne eńbek jaǵdaılaryn jasaý maqsatynda teńdestirilgen aımaqtyq damytýǵa baǵyttalady.
