Memlekettik hatshy halyqaralyq qarjy ınstıtýttarymen aradaǵy yntymaqtastyqqa Qazaqstan Prezıdentiniń aıryqsha nazar aýdaratynyn atap ótti. Osyǵan baılanysty, Memleket basshysy iri ınfraqurylymdyq jobalardyń iske asyrylýyna basa kóńil bóle otyryp, halyqaralyq qarjy ınstıtýttarymen ózara is-qımyl aıasyn keńeıtý jóninde mindet qoıǵan bolatyn.
Gúlshara Ábdiqalyqova búginde elimizdiń memlekettik organdary Elbasynyń halyqqa arnaǵan «Qazaqstannyń úshinshi jańǵyrýy: jahandyq básekege qabilettilik» atty joldaýyn iske asyrý baǵytynda jumystar júrgizip jatqanyn atap ótti. Memlekettik hatshy Eýropa qaıta qurý jáne damý banki «aqyldy» ekonomıka qalyptastyrýǵa septigin tıgizetinine senim bildirdi.
Kezdesýde Qazaqstan men Eýropa qaıta qurý jáne damý banki arasyndaǵy yntymaqtastyqtyń birqatar ózekti máseleleri talqylandy. Taraptar qarym-qatynastyń qazirgi damý qarqynyna kóńil tolatynyn aıtyp, banktiń energetıka jáne taý-ken óndirisi sektoryndaǵy jobalaryn iske asyrý máseleleri jóninde pikir almasty.
Sondaı-aq, genderlik teńdik pen áıelderdiń rólin arttyrý máseleleri qaraldy. Áńgime barysynda Úkimet pen Eýropa qaıta qurý jáne damý banki arasyndaǵy kelisim aıasynda «Bıznestegi áıelder» baǵdarlamasynyń iske asyrylyp jatqany atap ótildi. Búginde 7 myńnan astam shaǵyn jáne orta bıznes sýbektilerine 5,8 mlrd teńge qaryz berildi. Qarjylandyrýmen qatar, Eýropa qaıta qurý jáne damý banki áıelder basshylyq etetin shaǵyn jáne orta bıznes kásiporyndaryna basqarý tájirıbeleri men tehnologııalardy engizýge kómektesedi.
Kezdesý sońynda 31 tamyz – 1 qyrkúıek aralyǵynda Astanada ótetin «Áıelder bolashaqtyń energııasyn qoldaıdy» atty halyqaralyq forýmda qarastyrylatyn balamaly energetıka jáne «jasyl» ekonomıka, ornyqty jáne ınklıýzıvti ósimdi qamtamasyz etý máseleleri talqylandy.
Aıta keteıik, Qazaqstan 1992 jylǵy 27 shildeden bastap Eýropa qaıta qurý jáne damý bankiniń múshesi bolyp sanalady. Bul bank 1993 jyldan beri Qazaqstanda jalpy quny 7,3 mlrd evro bolatyn (qazirgi jıyntyq kólemi – 2,6 mlrd evro) 222 jobany qarjylandyrdy.
