Ulttyq ekonomıka birinshi vıse-mınıstri Rýslan Dálenov ekonomıkalyq ósim aldyn ala baǵalaý boıynsha bıyl 8 aıda 4,3% deıin qarqyndaǵanyn aıtty. Syrtqy saýda shamamen úshten bir esege ósti, ınflıasııa baıaýlady jáne maqsatty dáliz sheginde ornalasqan. Osy turǵyda Moody’s jáne S&P reıtıngtik agenttikteri táýelsiz kredıttik reıtıngi boljamyn turaqtyǵa deıin jaqsartty (Moody’s – Baa3, S&P – (BBB-), Fitch – BBB).
Ekonomıkanyń shıkizattyq emes segmentinde oń serpin baıqalýda, shıkizattyq emes sektordyń úlesi 2,3 paıyzdyq pýnktti qurasa, shıkizattyq segment úlesi 1,6 pýnktti qurady.
Jalpy ósimniń joǵary qarqyny alty negizgi salanyń tórteýi boıynsha baıqalýda (ónerkásip, saýda, kólik jáne qattaý, aqparat jáne baılanys), ósim qarqyndarynyń baıaýlaýy qurylys jáne aýyl sharýashylyǵynda baıqalǵan.
Taý-ken óndirýdiń 11,3% jáne óńdeýdiń - 6,1% sınhrondy ósimniń arqasynda 8,5% qurap, ónerkásip ósimniń eń joǵary qarqynyn kórsetip otyr. Bul sońǵy 6 jyldaǵy maksımaldy ósim. Taý-ken óndirý ónerkásibinde aıtarlyqtaı ósim kómir, munaı, tabıǵı gaz jáne metall kenderin óndirýde tirkelgen.
О́ńdeý ónerkásibinde ósim úrdisi azyq-túlik óndirisinde (5,8% ósim), jeńil ónerkásipte (11,5%), farmasevtıkada (33,7%), metallýrgııada (7,6%), munaıdy qaıta óńdeýde (6,4%) jáne mashına jasaýda (6,3%) baıqalyp otyr.
Sonymen qatar, aýyl sharýashylyǵyndaǵy ósim maýsymda 3,1% jetip, ósimdik sharýashylyǵy óndirisiniń tómendeýi nátıjesinde qańtar-tamyzda 1,9% deıin baıaýlady. Qurylys salasynyń ósý qarqyny birinshi jartyjyldyqta 5,9% deıin artyp, shildede baıaýlady (0,7%) jáne 8 aıdyń qorytyndysy boıynsha 0,1% deıin nóldik mánge jaqyndady. Salanyń baıaýlaýy ónerkásip ǵımarattary men qurylystaryn salýdyń azaıýymen baılanysty.
О́nerkásip sektoryndaǵy iskerlik belsendilikti jańǵyrtý kezinde qyzmet kórsetý salasynyń turaqty ósim traektorııasyna shyqqany baıqalyp otyr. Bıyl 8 aıda kólik qyzmet kórsetýi 4,7% ósti, saýda men baılanys 2,9%-dan ulǵaıdy.
QR Premer-Mınıstri Baqytjan Saǵyntaev Memleket basshysynyń mindetterin oryndaý boıynsha, ásirese aýyl sharýashylyǵy men qurylystaǵy sharalardy iske asyrýdy jalǵastyrý, sondaı-aq memlekettik baǵdarlamalar aıasynda qarajatty ıgerýdi muqııat baqylaý qajet ekenin atap ótti. Mınıstrler kabınetine ekonomıkalyq ósimniń jınalǵan qarqynyn saqtaý boıynsha jumysty jalǵastyrý tapsyryldy.
