18-21 qyrkúıek aralyǵynda Qazaqstan men Armenııa Respýblıkasy arasyndaǵy dıplomatııalyq qarym-qatynastardyń 25 jyl tolýyna oraı Erevan qalasyndaǵy «Máskeý» kınoteatrynda Qazaq kınosy aptalyǵy ótip jatyr. Mádenı is-shara kezinde ár jyldary jaryqqa shyqqan úzdik qazaq fılmderi kórsetiledi. Is sharaǵa Armenııanyń zııaly qaýymy, Armenııa kınematografıster odaǵynyń músheleri, mádenıet mınıstrligi, iskerlik, memlekettik uıymdar men vedomstvolar, sonymen qatar dıplomatııalyq korpýstyń ókilderi qatysady.
«Atalǵan jobanyń negizgi maqsaty kınematografııa salasyndaǵy eki el arasyndaǵy ekijaqty qarym-qatynastardy nyǵaıtý, sondaı-aq armıan kórermenderin Qazaqstannyń qazirgi kınosymen tanystyrý», dep naqtyldy Sh.Aımanov atyndaǵy «Qazaqfılm» AQ baspasóz qyzmeti.
Mádenı is-shara barysynda Sh.Aımanov atyndaǵy «Qazaqfılm» kınostýdııasy jaryqqa shyǵarǵan basqa da fılmder kórsetiledi. Rejısser Rústem Ábdirashtyń «Stalınge syılyq» (19 qyrkúıek) jáne «Balalyq shaǵymnyń aspany» (20 qyrkúıek) fılmderi, rejısserler úlken Sergeı Bodrov, Talǵat Temenov jáne Ivan Passerdiń «Kóshpendiler» (21 qyrkúıek). Qazaq kınosy aptalyǵy 22 qyrkúıek kúni Eldor Ýrazbaevtyń «Transsibir ekspresi» fılmimen aıaqtalady.
Aıa О́mirtaı
«Egemen Qazaqstan»
