Investısııalar jáne damý birinshi vıse-mınıstri Alık Aıdarbaev «Jer qoınaýy jáne jer qoınaýyn paıdalaný týraly» kodeks jobasyn qabyldaý boıynsha mindetti Memleket basshysy halyqqa Joldaýynda alǵa qoıǵanyn baıandady. Kodeks jobasy sondaı-aq CRIRSCO paıdaly qazbalar qory boıynsha standarttardyń halyqaralyq júıesin engizýdi jáne barlyq paıdaly qazbalar úshin kelisim jasaýdyń jeńildetilgen ádisin engizýdi qarastyratyn Ult josparynyń 74-shi jáne 75-shi qadamdaryn oryndaý úshin ázirlenip jatyr.
Qazir KSRO ýaqytynda barlanǵan ken oryndarynyń basym bóligi óńdelip jatqany atap ótildi. О́ndirý qarqyndary sońǵy jyldary mıneraldy-shıkizattyq bazany toltyrý qarqynynan ozyp keledi. Oǵan qosa, Qazaqstanda jańa ken oryndaryn ashýdy ustap turatyn geologııalyq barlaýǵa ınvestısııalardyń jetkiliksiz kólemi baıqalýda.
Osyǵan baılanysty, kodeks jobasynyń negizgi maqsattary eldiń turaqty ekonomıkalyq damýy úshin mıneraldyq-shıkizattyq bazany toltyrýdy qalyptastyrý, jańa jobalardy qurý, qosymsha jumys oryndarynyń paıda bolýy bolyp tabylady.
Kompanııalarǵa jaǵymdy jaǵdaı jasaý úshin kodeks jobasynda geologııalyq aqparattyń qoljetimdiligi, jer qoınaýyn paıdalaný boıynsha operasııalardy júzege asyrýdyń lısenzııalyq rejımine kóshý jáne birinshi ótinim qaǵıdasy (jer qoınaýyn paıdalanýǵa quqyqty birneshe kúnde alý jáne jer qoınaýyna jyldam qoljetimdilikti qamtamasyz etý), memleket tarapynan múltiksiz baqylaýdan jyldam barlaýdy yntalandyratyn ekonomıkalyq tetikterge kóshýmen retteýdi jeńildetý qarastyrylǵan.
Sonymen qatar, Kodeks jobasy ekologııalyq jáne ónerkásiptik qaýipsizdik boıynsha talaptardy kúsheıtýdi, jer qoınaýyn paıdalaný saldaryn joıýdyń zamanaýı praktıkasyn engizýdi qarastyrady. Qundy metaldardyń shaǵyn shashyrandy ken oryndaryn ıgerý úshin Kodeks jobasynda starateldik ınstıtýty engizilýde. Munyń bári jańa jumys oryndaryn, ónimderdi qurýǵa, salyq túsimderin arttyrýǵa, jeke óńirlerdi damytýǵa septigin tıgizedi.
Sondaı-aq, kodeks jobasynda QR-nyń DSU-na kirý jaǵdaıyna sáıkes keltirilgen jergilikti qamtý boıynsha talaptar saqtalýda.
Jalpy, «Jer qoınaýy jáne jer qoınaýyn paıdalaný týraly» kodeks halyqaralyq praktıkada qabyldanǵan qaǵıdalar men tásilderdi engizýge, memlekettik retteýdiń ashyq jáne túsinikti ádisterin qamtamasyz etýge, memlekettik apparatty ınvestısııalardy qoldaýǵa qaıta baǵdarlaýǵa baǵyttalǵan ilgerindi zańnamalyq akt bolýy tıis.
Jańa tásilderdi iske asyrý jer qoınaýyn paıdalaný salasyna jańa ınvestorlar aǵymyn tartýǵa septigin tıgizedi, bul keleshekte qosymsha jumys oryndaryn qurýǵa, jeke óńirlerdi damytýǵa, ekonomıkalyq turaqtylyqty nyǵaıtýǵa jáne eldiń básekege qabilettiligin joǵarylatýǵa kómektesedi.
