Erlan Saǵadıev QR BǴM janynan EKSPO-2017 kórmesiniń qorytyndysy boıynsha jańa «jasyl» tehnologııalardy engizý boıynsha jumys toby qurylǵanyn baıandady.
Saraptaý jumys toby halyqaralyq pavılondardaǵy jańa tehnologııalarǵa monıtorıng júrgizdi. Barlyq tehnologııalar munaı jáne gaz, kómir ónerkásibi, atom ónerkásibi, elektr energetıkasy, energııany únemdeý, qaldyqtardy basqarý, jańǵyrtylatyn energetıka, aýa sapasyn baqylaý jáne t.b. sııaqty baǵyttar boıynsha irikteldi.
Qazirdiń ózinde qazaqstandyq jáne sheteldik ýnıversıtettermen yntymaqtastyq ornatý týraly toǵyz memorandýmǵa qol qoıyldy. Atap aıtqanda, Koreıa, Latvııa, Vengrııa, Fransııa, Polsha, QHR, Ulybrıtanııa, Ispanııa jáne basqa elderdiń joǵary oqý oryndary ózara yntymaqtastyq ornatýǵa nıet bildirdi.
О́z kezeginde, energetıkanyń birinshi vıse-mınıstri Mahambet Dosmuhambetovtyń aıtýynsha, energetıka mınıstrligi sondaı-aq «EKSPO-2017» kórmesinde usynylǵan jańa tehnologııalardy Qazaqstanda qoldaný múmkindigi týraly usynystardy ázirleý boıynsha saraptaý jumys tobyn qurdy.
«12 qyrkúıekte kompanııalar men uıymdardyń ókilderimen keńes ótti, onda iriktelgen tehnologııalardy engizý tetikteri talqylandy. Tańdalǵan tehnologııalardy engizý úderisi uzaq jáne QR EM ázirlegen jol kartasyna sáıkes oryndalady», — dep baıandady M. Dosmuhambetov.
Baqytjan Saǵyntaev óziniń orynbasary Erbolat Dosaevqa atalǵan másele boıynsha QR BǴM men QR EM pysyqtaýlaryn qorytyndylaýdy jáne jańa tehnologııalardy engizý boıynsha biryńǵaı Jol kartasyn jasaý múmkindigin qarastyrýdy tapsyrdy.
