Respýblıkalyq bıýdjetten qarjylandyrylatyn is-sharalar boıynsha Baqytjan Saǵyntaev «Alataý» ITP men Halyqaralyq AT-tehnoparki qyzmeti boıynsha qosa alǵanda, ınvestısııalardyń áseri men qaıtarýyn esepteýdi tapsyrdy. AKM-ge ulttyq ekonomıka jáne qarjy mınıstrlikterimen, basqa da múddeli memlekettik organdarmen jáne ákimdiktermen birge eki aptalyq merzimde «Sıfrlyq Qazaqstan» baǵdarlamasynyń áleýmettik jáne ekonomıkalyq áserin jáne onyń JIО́ ósimine áserin usynýdy tapsyrdy.
QR Bilim jáne ǵylym mınıstrligine eki aptalyq merzimde bilim berýdiń qazirgi júıesin qaıta qaraý jáne úzdiksiz oqytýǵa kóshý boıynsha naqty usynystar engizý tapsyryldy. Sondaı-aq, bilim jáne ǵylym, aqparat jáne kommýnıkasııalar, ınvestısııalar jáne damý mınıstrlikterine eki aptanyń ishinde «Alataý» ITP, «Nazarbaev Ýnıversıtet», qurylyp jatqan Halyqaralyq AT-tehnoparki sııaqty ǵylymı-zertteý ınstıtýttary men joǵary oqý oryndarynyń, ınnovasııalyq klasterlerdiń bazasynda quzyretter ortalyqtaryn qurý jáne damytý boıynsha usynystar engizý tapsyryldy.
Budan ózge, QR AKM, IDM jáne BǴM-ge jańa tehnologııalardy, ınnovasııalyq sheshimder ázirlemelerin paıdalanýdy, startap ortany damytýdy yntalandyrý úshin jáne sıfrlyq ekonomıkada forsaıtty uıymdastyrý boıynsha zańnamaǵa ózgerister jóninde usynystar engizý tapsyryldy.
Barlyq azamattar sıfrlandyrý prosesterin túsinýi úshin Aqparat jáne kommýnıkasııalar mınıstrligine memlekettik organdarmen birge sáıkes PR-strategııany ázirleý tapsyryldy.
Oǵan qosa, Aqparat jáne kommýnıkasııalar mınıstrligine barlyq oblys ortalyqtaryna qoldanylatyn Astana, Almaty, Shymkent jáne Aqtóbe tıpi boıynsha «aqyldy qalalardyń» tıptik tujyrymdamasyn qalyptastyrý tapsyryldy.
Aqparat jáne kommýnıkasııalar mınıstrligine 1 qazanǵa deıin Reseı jáne Belarýspen sıfrlandyrý salasyndaǵy birlesken jumys boıynsha sáıkes usynystar engizý tapsyryldy.
Baqytjan Saǵyntaev «Sıfrlyq Qazaqstan» baǵdarlamasynyń barlyq máselelerin pysyqtaýdy jáne ony bıyl qarashanyń sońyna deıin Úkimettiń qaraýyna engizýdi tapsyrdy. Bul jumysty úılestirý QR Premer-Mınıstriniń orynbasary Asqar Jumaǵalıevke júkteldi.
Eske salsaq, 13 qyrkúıekte Memleket basshysynyń qatysýymen ekonomıkany sıfrlandyrý máseleleri jóninde Respýblıkalyq keńes ótti, onda «Sıfrlyq Qazaqstan» baǵdarlamasynyń jobasy tanystyryldy. Keńes barysynda Nursultan Nazarbaev birqatar eskertýler aıtty jáne QR Úkimetine baǵdarlama jobasyna sáıkes tolyqtyrýlar engizýdi tapsyrdy.
