Komıtet músheleri S.Eńsegenov, M.Bortnık, M.Joldasbaev, Á.Qurtaev, M.Kóbenov, E.Mamytbekov, E.Sultanov, Ǵ.Dúısenbaev jumys sapary barysynda barlyq múddeli taraptardyń qatysýymen Soltústik Kaspıı ınnovasııalyq damý jobasy jáne «Ulttyq ındýstrııalyq munaıhımııa tehnoparki» arnaıy ekonomıkalyq aımaǵynyń qyzmeti máseleleri boıynsha ashyq tyńdaý ótkizdi.
Kómirsýtegi shıkizatyn 4-5 shegine deıin tereń óńdeýdi damytý arqyly polımer ónimderiniń óndirisin ózindik quny joǵary tehnologııasy tizbegin tolyq aıaqtaý arnaıy ekonomıkalyq aımaqty damytýdyń negizgi baǵyttary bolyp tabylady. Olardyń qataryna negizgi aýyr salmaqty ónimder shyǵaratyn kásiporyn da, mashına-aspap jasaý, halyq tutynatyn taýarlar men qurylys salasynyń aýqymdy ónimderin óndiretin shaǵyn jáne orta bıznes kásiporyndary da kiredi.
2008 jyldan beri «Ulttyq ındýstııalyq munaıhımııa tehnoparki» arnaıy ekonomıkalyq aımaǵyna qatysýshylar 234,4 mıllıard teńge ınvestısııa ákelgen bolatyn, onyń ishinde: «Kazakhstan Petrochemical IndustriesInc» JShS - 77 908 mıllıon teńgeni, «Polymer Production» JShS - 15 724,4 mıllıon teńgeni, «KLPE» JShS - 37 833 mıllıon teńgeni, «Karabatan Utility Solutions» JShS -103 mıllıard teńge qurady.
Depýtattarǵa arnaıy ekonomıkalyq aımaqtyń jańa nysandary jáne memlekettik-jekemenshik áriptestik aıasyndaǵy aımaqqa ınvestısııalyq kapıtal tartý múmkindikteri tanystyryldy.
Senatorlar Atyraý oblysynyń ınvestısııalyq tartymdylyǵyn atap ótip, memlekettik-jekemenshik áriptesti damytý áleýmettik mańyzdy jobalardy iske asyrýǵa jańa serpin beretinine jáne bıznestiń memleketpen uzaq merzimdi ári tepe-teń yntymaqtastyǵyna yqpal etetine senim bildirdi.
Munaı men gazdy keshendi túrde daıyndaıtyn «Bolashaq» qondyrǵysynyń jumysshylarymen «Samal» vahtalyq aýylynda bolǵan kezdesýde ındýstrııalyq damý jáne ekonomıkany jańǵyrtý máseleleri boıynsha pikir almasyldy.
Senatorlar sondaı-aq Qashaǵan kenishindegi munaı óndirýge jáne jer qoınaýyna gazdy keri aıdaýǵa arnalǵan «D» jasandy aralynda – teńiz operasııalary ortalyǵynyń, túıirshiktelgen kúkirt óndiretin zaýyttyń jumysymen tanysty.
Depýtattar Mahambet aýdanynda «Han Ordaly Saraıshyq» murajaı-qoryǵymen, Atyraýmen qatar elimizdegi jáne Reseıdiń kóshiles oblystaryn da sapaly ónimdermen qamtamasyz etetin «V.Razmetov» sharýa qojalyǵynyń jumysymen tanysty. Aýyl eńbekkerlerimen aımaqtaǵy agroónerkásip salasyn damytý keleshegi jáne «Sybaǵa», «Qulan» jáne «Altyn asyq» memlekettik baǵdarlamalaryn iske asyrý máseleleri talqylandy.
Depýtattar Atyraý oblysyndaǵy jumys saparyn quramyna munaı men gazdyń iri kenishteri: Qashaǵan, Qalamqas-teńiz, Qaırań, Aqtoty jáne Ońtústik-Batys Qashaǵan enetin Soltústik Kaspıı erekshe jobasynyń nysandaryn aralaýmen qorytyndylady. Munda óndiriletin ónim 13 mıllıard barrelge (2 mıllıard tonna) deıin jetedi.
Senattyń Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Asqar Beısenbaev sapardy qorytyndylaı kelip, Ult kóshbasshysynyń Qazaqstandy úshinshi jańǵyrtý bastamasyna sáıkes, elimizdi strategııalyq damytýda ınnovasııalyq jáne ónerkásiptik órkendeýdiń basymdyqtaryn iske asyrý barysynda aımaqtyń áleýeti tolyq ashylatynyna senim bildirdi.
